Ruvdnaprinsa Haakon Islánddas

Golbmadiibmosaš vázzinmátkis beasai Ruvdnaprinsa Haakon oaidnit makkár luonddufámut gávdnojit Islánddas. Ruvdnaprinsa ja Presideanta Jóhannesson galledeigga Fagradalsfjall, mii lea guovllus Islánddas gos maŋemus rusadii dollavárri ja dat lei borgemánus 2022.

Vánddardeapmi Fagradalsfjall guovllus

Dollavári guovlu lea dušše 40 kilomehtera eret oaivegávppogis, Reykjavik. Go dollavárri ealáskii njukčamánus 2021, de lei dat vuosttaš geardde 800 jagis go lei dollavárirusadeapmi Reykjanesnjárggas. Sihke turisttat ja islándalaččat čoahkkanedje guvlui. Odne leat sihke 2021 ja 2022 dollavárirusadeamit nohkan, nu lea goit celkojuvvon.

Islándda presideanta Guðni Thorlacius Jóhannesson bovdii Ruvdnaprinsa váccašanmátkái dollaváriguovllus Islánddas. Govven: Liv Anette Luane, Gonagaslaš hoavva

Ruvdnaprinsa Haakon, presideanta Guðni Thorlacius Jóhannesson ja ofelaš Kristín Jónssdóttir jođus dollavári guvlui. Govven: Una Sighvatsdóttir, Office of the President of Iceland

Beannotdiimmu vánddardii joavku lossa eanadaga mielde ovdal go ollejedje bajimussii gos besse oaidnit dollavári. Oahppan seismologa Kristín Jónssdóttir bargá Islándda meteorologalaš instituhtas, ja son lei ofelaš mátkkis.

Go dollavárri ealáska, de lassánit maiddái eanadoarggástusat guovllus.  Dehálaš oassi dán vánddardeamis, lei čalmmustahttit man dehálaččat dorvvolašvuođa – ja  gearggusvuođaheiveheamit leat go dolláváriid aktivitehta lassána.

Ruvdnaprinsa Haakon, presideanta Guðni Thorlacius Jóhannesson ja ofelaš Kristín Jónssdóttir. Govven: Eythor Arnason / NTB

Mállásat presodeantain

Eahkes bovdiiga presideanta Guðni Th. Jóhannesson ja Eliza Reid mállásiidda islándda presideantagárdinis Bessastaðir mii lea Álftanes-báikkis, veahá olggobealde Reykjavika. Doppe ledje sullii guoktelogi guossi, earret eará Norgga ambassadevra Islándii, Aud Lise Norheim, ja stáhtačálli Olgoriikadepartemeanttas, Eivind Vad Petersson, gii čuovvu Ruvndaprinsa dán golbmabeaivásaš galledanmátkkis Islánddas.

Almmolaš govven presideantagárdinis: Ruvdnaprinsa Haakon, Eliza Reid sávvaba buresboahtima ja presideanta Guðni Th. Jóhannesson. Govven: Liv Anette Luane, Gonagaslaš hoavva

Norga ja Islánda juogadeaba historjjá ja kulturárbbi ja Ruvdnaprinsa Haakon geavahii liibba sártnis namuhit ahte dán guovtti riikas lea nanu oktavuohta árvvuid dáfus.

– Trust is the very core of our friendship. Together with our shared commitment and values, this trust is fundamental at a time in history when we are contending with climate change while at the same time dealing with other complex issues – such as war in Europe and a severe energy crisis. We need to stand together, logai Ruvdnaprinsa.

Loga Ruvdnaprinsa sártni dás.

Árktalaš nášuvnnat

Ihtin lea Ruvdnaprinssas sáhkavuoru Arctic Circle nammasaš konferánssa rahpama oktavuođas. Doppe digaštallojuvvojit árktalaš áššit ja leat oktiibuot 2000 oasseváldibadjel 60 riikkas. Ruvdnaprinsa galleda maiddái Hellisheiði geotermalaš fápmorusttega ja Carbfix mii fállá ovdanvázzi teknologiija karbonbivddu-ja vurkema olis.  Eahkes leat mállásat norgga ámmátdálus ja dohko bohtet sihke islándalaš ja norgalaš nuorat.

Galledeapmi loahpahuvvo bearjadaga ealáhusiđtborramušdoaluin gos ruoná molsun lea fáddán.