Njuike váldosisdollui

Sámi dáidda DáiddaStáljas

Guovvamánus rahppojuvvo ođđa čájáhus Dronnet Sonja DáiddaStáljas.  Historjját čájehit golbma buolvva Norgga, Ruoŧa ja Suoma dáiddára.

12.12.2018

Čájáhusas leat birrasii 50 dáiddalaš barggu. Dat rahppojuvvo guovvamánu 8.beaivvi 2019  ja lea rabas miehtá giđa ja geasi.

Detálja lea Britta Marakatt-Labba Historjá. Dát ovddolaš tekstiiladuodji čájeha myhtaid, historjjáid ja beaivválaš eallima. Govva: KORO/Cathrine Wang

1970-logu rájes oažžugohte dáiddára dađistaga dehálit rolla sámi identitehta hábmemis.

Pioneara Iver Jåks (Norga) ovttastahtii sámi giehtaduodjeárbevieru -duoji – ja su konseptuála jurdagiid iežas installašuvnnain. Máze-joavku álggahuvvui 1978:s ja speadjalasttii dan áiggi politihkalaš dili.  Guovtti dáiddára barggut dien joavkkus čájehuvvojit DáiddaStáljas: Synnøve Persen ja Britta Marakatt-Labba (Ruoŧŧa).

Marakatt-Labba monumentála bargu, 24 mehter guhku tekstiiladuodji Historjá, galgá leat okta guovddáš elemeanttain čájáhusas. Rátnu lea ráhkaduvvon muitalussan – mii lea sámi myhtalaš universa, mas leat referánssat sámi historjái ja beaivválaš eallimii. Dán dáiddalaš barggu leat luoikkahan Romssa Universitehtas - Norgga árktalaš universitehtas.

Detálja lea Britta Marakatt-Labba Historjá. Govva: KORO/Cathrine Wang

Synnøve Persen oaččui Davviriikkalaš Ráđi gidnibálkkašumi 2018, iežas dáiddalaš barggu ovddas sihke našuvnnalaččat ja internašuvnnalaččat, ja go lea bargan loktet sámi dáidaga, giela ja identitehta. Su barggut čájehuvvojit Dronnet Sonja DáiddaStáljas filmmain Bassi eatnamat/Hellige landskap.

Nuorat buolvva ovddastit earet eará dáiddárat Marja Helander (Suopma) iežas Govvaráidduin, mas govvida dálá sámi servodagaid, ja Joar Nango (Norga) su installašuvnnain maid lea ráhkadan earenoamážit dán čájáhussii.

Kurateren

Čájáhusa lea lágidan ja ordnen dr.philos. Knut Ljøgodt (Davvinorgga Dáiddamusea ovdalaš direktevra, dál Nordic Institute of Art), ovttasbarggus dáiddahistorihkkáriin Nina Høye (Gonagaslaš hoavva). Prošeavtta dáiddafágalaš ráđis lea mielde dáiddárat  Synnøve Persen ja Inger Blix Kvammen, ja maiddái kuratora Charis Gullickson (Davvinorgga Dáiddamusea ja UiT – Norgga árktalaš universitehta).

 

Fáktadieđut

Historjját čájeha sámi dáiddáriid dáiddalaš dujiid sullii 1970 rájes otnážii, oktiibuot 13 dáiddára 60 dáiddaduoji:

  • Aage Gaup
  • Marja Helander
  • Rose-Marie Huuva
  • Iver Jåks
  • Arnold Johansen
  • Aslaug M. Juliussen
  • Inger Blix Kvammen
  • Britta Marakatt-Labba
  • Joar Nango
  • Synnøve Persen
  • Outi Pieski
  • Alf Salo
  • Máret Ánne Sara
Marja Helander, Buollanoaivi, 2001 Govva: (c) Marja Helander.
Fáktadieđut

Nyhetsbrev fra De kongelige samlinger

Har du lyst til å få nyheter fra De kongelige samlinger på e-post? Da kan du registrere deg via pekeren nedenfor. Da får du 5-6 nyhetsbrev i året med tips om kommende omvisninger, utstillinger og arrangementer ved Det kongelige slott, Dronning Sonja KunstStall og Oscarshall.

Du kan når som helst avslutte abonnementet ditt. Du finner lenke for dette nederst i hvert nyhetsbrev. Der finner du også kontaktinformasjon om du har innspill eller behov for litt bistand.

 

Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas

Áigeguovdilis áššit

Gonagaslaš hoavva ovdanbuktá 2023 jahkeraportta

Gonagaslaš hoavva ovdanbuktá 2023 jahkeraportta

Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.

18.04.2024
Lihkusávaldagat Dánmárkku ođđa gonagasbárrii

Lihkusávaldagat Dánmárkku ođđa gonagasbárrii

Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.

14.01.2024
Ođasvuorká Ođasvuorká Ođasvuorká