Hopp til hovedinnhold

Viidáseappot Shanghajii

Odne guđiiga Majestehtaguovttos Gonagas ja Dronnet Beijinga ja reisiiga Shanghajii Kina nuortarittus. Dat gávpot lea máilmmi stuorámus hámmangávpot, ja ekonomalaš fápmoguovddáš.

17.10.2018

Gonagasbárra ollii veaigin báikkálaš áiggi Shanghajii jođánistogain. Ja vuosttaš  bargun odne lei deaivvadit dán gávpoga norgalaččaiguin.

Shanghai norgalaččat

Juo gaskkamuttus 1800-logu lei Shanghai dehálaš Norgga gávppašeapmái ja skiipajohtolagaide dán máilmmi oasis. Norgga generálakonsuláhta Shanghaias rahppojuvvui juo 1906:s. Dat lei vuosttaš máŋgga konsuláhtain dakka mannjel 1905 uniovdnabieđganeami. Odne ásset dán guovllus gaskal 300 - 400 norgalačča. Ollugat leat dál maid čadnon skiipajohtolahkii, muhto maiddái eará ealáhusdoaimmain lea norgalaččat, nugo akademiijas, ja dáidda-ja kultursurggiin – ja dasa lassin leat dáppe vel stuora joavku norgalaš studeanttat.

Gonagasbárra beasai odne deaivvadit ollu norgalaččaiguin, ja sin bearrašiiguin, geat leat bisánan Shanghajii.

Norgga birrasii gullevaččat bovdejuvvui deaivvadeapmái báikkis mii ovdal lei brihttalaš konsuláhta. Govva: Tim HaukenesNorgga birrasii gullevaččat bovdejuvvui deaivvadeapmái báikkis mii ovdal lei brihttalaš konsuláhta. Govva: Tim Haukenes

Norgga-kiinnálaš fiolinisttat Sara ja Catharina Chen doalaiga unna konsearttaža gussiide. Govva: Tim HaukenesNorgga-kiinnálaš fiolinisttat Sara ja Catharina Chen doalaiga unna konsearttaža gussiide. Govva: Tim Haukenes

Deaivvadeapmi báikkálaš eiseválddiiguin

Gonagas Harald ja Dronnet Sonja deaivvadeigga maid báikkálaš eiseválddiiguin odne. Mannjel ságastallama Shanghai sátnejođiheddjiin Ying Yong ja bellodatčálliin Li Qiang ledje almmolaš mállásat Xingguo Hoteallas.


Gonagas Harald ja Dronnet Sonja deaivvadeigga maid báikkálaš eiseválddiiguin. Govva: Tim HaukenesGonagas Harald ja Dronnet Sonja deaivvadeigga maid báikkálaš eiseválddiiguin. Govva: Tim Haukenes 

Áhpi oktasaš namahussan

Áhpi, skiipajohtolat ja shipping lei vuolggabáiki norgga gussiide Shanghaias odne, ja dat leamaš maid guovddážis badjel 150 jagi. Áiggiid mielde leat oktavuođat viidánan, muhto ihttin lea fas áhpi váldoáššin prográmmas. Gonagasa ja Dronnega «áhpebeaivái» gullet ealáhusat, borramušat ja birasgáhtten – mat buot gusket áhpái.

 

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas