Hopp til hovedinnhold

Allaáiggálaš buresboahtin Beijingas

Majestehtaguovttos Gonagas ja Dronnet leaba guossástallamin Kina, gosa Eksellense Presideanta Xi Jinping lea sudno bovden. Odne sávve sudnuide buresboahtima allaáiggálaš seremoniijain olggobealde Álbmoga stuora hálla Almmálaš ráfi báikkis.

16.10.2018

Álbmoga friddjadahkan veahka lei seremoniija rámman, ja Presideanta Xi Jinping ja Kina vuosttašroavvá, Peng Liyuan sávaiga Gonagasbárrii buresboahtima Kinai. Našunálalávlagat čuojahuvvo ja Gonagas Harald inspiserii gudnisoalddáhiid, fárrolaga Presideanttain.

Almmolaš govven Álbmoga stuora hálla olggobealde. Govva: Heiko Junge, NTB ScanpixAlmmolaš govven Álbmoga stuora hálla olggobealde. Govva: Heiko Junge, NTB Scanpix

Gonagasbárra bijai kránssa Álbmoga sáŋgáriid Monumeantta lusa. Govva: Heiko Junge, NTB ScanpixGonagasbárra bijai kránssa Álbmoga sáŋgáriid Monumeantta lusa. Govva: Heiko Junge, NTB Scanpix 

Mannjel seremoniija láidesteigga Presideanta Xi Jinping ja Gonagas Harald dien guovtti riika delegašuvnnaid ságastallamiidda, gos Norga ja Kina vuolláičáliiga golbma stuora ovttasbargošiehtadusa. Šiehtadusat gusket dutkan, innovašuvdna, ealáhusaid ja falástallan ovttasbargui.

Stuorámus ealáhusdelegašuvdna mii goassege leamaš

Go Gonagasbárra lea stáhtaguossástallanmátkkiin, de sudno fárus lea álo stuora delegašuvdna mas lea norgga hálddahusa, kultuvrra, dutkama ja ealáhusaid ovddasteaddjit. Ealáhusdelegašuvdna mii dán Kina mátkkis lea Gonagasa ja Dronnega fárus, lea stuorámus joavku mii goassege leamaš sudno fárus. Badjel 300 olbmo geat ovddastit norgga doaimmaid leat mielde, ja sis leat ollu čoahkkimat kiinnálaš kundariiguin, gálvolágideddjiiguin ja ovttasbargiiguin.


Gonagas Harald rabai ealáhuskonferánssa Beijingas. Govva: Heiko Junge, NTB ScanpixGonagas Harald rabai ealáhuskonferánssa Beijingas. Govva: Heiko Junge, NTB Scanpix

Odne iđđes rabai Gonagas Harald stuora ealáhuskongreassa Beijingas: Norway-China Business Summit 2018. Sártnistis deattuhii Gonagas dan mot gávppašeapmi ja ealáhusovttasbargu maiddái ásaha politihkalaš gulahallama, ovttasbarggu ja fierpmádagaid.

- As we expand our trade and technological cooperation into new areas, such as medical, welfare and environmental technologies, we must learn from each other’s challenges and successes. Our economic relations are thus about far more than just business. They also create a room for political dialogue, cooperation in the field of education, and important scientific networks.

 
Olles 24 ovttasbargošiehtadusa vuolláičállojuvvo otná konferánssas. 

Munch kiinnálašgillii

Gonagas Harald ja Dronnet Sonja leigga maiddái dilálašvuođas gos ođđa girjeráidu «Edvard Munch. Samlede malerier» almmuhuvvui kiinnálašgillii, kulturlunšša oktavuođas mii lágiduvvui norgalaš resideanssas Beijingas. Muncha dáiddalašvuohta presenterejuvvo njealji girjjis, ja girjealmmuheapmi lea vuosttaš oassi stuora Munch-čájáhussii mii galgá leat Beijinga Našunálamuseas ja Shanghai Museas boahtte čavčča.

Beijinga Našunálamusea direktevra Wang Chunfa ja Munchmusea direktevra Stein Olav Henriksen almmuheigga girjjiid. Govva: Heiko Junge / NTB ScanpixBeijinga Našunálamusea direktevra Wang Chunfa ja Munchmusea direktevra Stein Olav Henriksen almmuheigga girjjiid. Govva: Heiko Junge / NTB Scanpix

 

Beijinga Našunálamusea lea okta máilmmi stuorámus museain ja doppe fitne badjel gávcci miljovnna guossi 2017:s. Čájáhusas galget lea birrasii 100 dáidaga Munchmusea čoakkáldagas, daid searvvis 50-60 maleriija. Dat šaddá njealját geardi go Edvard Munch čájehuvvo Kinas – vuosttaš geardde lei 1961:s.

Bankeahtta

Odne eahket leaba Gonagas ja Dronnet Presideantabára guossit bankeahtas Álbmoga stuora hállas.

Ihttin joatká Gonagasbárra guossástallanmátkkis. De soai guođđiba Beijinga ja joatkiba mátkki Shanghai gávpogii, gos maŋemus oassi stáhtaguossástallamis galgá čađahuvvot.

 

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas