Hopp til hovedinnhold

Lihkkosávvanprotokolla

Hálidat go sávvat lihku Gonagasbárrii? Bearjadaga biddjojuvvo lihkkosávvanprotokolla masa sáhttá čállit dearvuođaid.

11.01.2016

Sotnabeaivvi ođđajagimánu 17.beaivvi lea 25 jagi dan rájes Ruvdnaprinsa Harald ja Ruvdnaprinseassa Sonja šattaiga Norgga Gonagasbárran.

Bearjadaga ođđajagimánu 15.beaivvi diibmu 15.00 rájes sáhttet buohkat geat hálidit čállit dearvvuođaid Gonagasbárrii.

Lihkkosávvanprotokolla Šloahtas

Sii geat hálidit ja geain lea vejolašvuohta boahtit Šlohttii, ožžot vejolašvuođa čállit almmolaš lihkkosávvanprotokollii, mii biddjojuvvo protokollasálii. Lea vejolaš doppe fitnat gaskal diibmu 15.00 ja 17.00.

Boađe Šloahta váldouksii, doppe veahkehit hoava bargit du deaivat rievttes latnjii.

Lihkkosávvanprotokolla neahtas

Mii rahpat maid lihkkosávvanprotokolla dán neahttabáikkis:Kongehuset.no. Dan rahpat seammás go váldouvssa protokolla biddjojuvvo albmosii, ja neahttaprotokolla lea rabas gitta gaskaidjii sotnabeaivvi ođđajagimánu 17.beaivvi.

Sii geain lea vejolašvuohta čuovvut lágideami Universitehtašiljus sotnabeaivvi, sáhttet maid čállit lihkkosávaldagaid stuora lihkkosávvangirjái mii doppe lea.

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas