Hopp til hovedinnhold

Norgga -Tyrkia ovttasbargu

Gonagasbárra álggahii iežas nuppi stáhtaguossástallanbeaivvi Tyrkias Norgga- Tyrkia ealáhusseminárain Ankaras. Majestehta Gonagas rabai dien seminára, man váldofáddán lea ođasmahtti energiija ja čáhcefápmu.

06.11.2013

Tyrkias leat ollu vejolašvuođat hukset čáhcefápmorusttegiid, ja otná semináras, man fáddán lei ođasmahtti energiija, vuolláičállojuvvui intenšuvdnasoahpamuš mii guoská Norgga ja Tyrkia ovttasbargui energiijasuorggis. Gonagas Kong Harald namuhii dien ášši go rabai seminára:

Our cooperation is broad in scope, and designed to promote Turkish and Norwegian actors’ common interests. The hydropower sector is a case in point. This clean and renewable energy source furthers economic development and provides energy security. Not only is hydropower climate-friendly, but it also provides well for the energy needs of future generations.

Norge har stor erfaring med vannkraft, og Kongen pekte på mulighetene for kompetanseoverføring både på det tekniske og det administrative området.


Lávdemolsun

Go Gonagasbárra lei rahpan ealáhusseminára, de soai guđiiga Ankara ja vulggiiga mátkkoštit Istanbulii, gos loahppaoassi stáhtaguossástallamis galgá leat. Dakka maŋŋelaš go dohko jovde, beasai Gonagasbárra oaidnit  Bosporos nuori M/Y Sabah Rüzgari (Iđithieibma) fatnasa deahka alde. Diet beakkán nuorri earuha Istanbula – ja Tyrkia eurohpalaš  ja asiáhtalaš beali – ja dakko johtet beaivválaččat ollu skiippat  mat bohtet Čáhppesábis dahje leat dohko mannamin.

Maŋŋel fanasmátkki leigga Gonagas Harald ja Dronnet Sonja Tyrkia servvodateallima ovddasteddjiiguin oktasaš lunššas.


Biebmu mearas ja Sjømat ja Sølvguttene

Eahkes lea Gonagasbára vuorru gis leat guossoheaddjin. Presideanta Abdullah Gül ja su roavvá Hayrünnisa Gül leaba váldoguossin go Gonagas ja Dronnet sávvaba gussiide buresboahtima konsertii ja borramušaid máisttašeapmái Istanbula Çırağan Palace Kempinski.

Borramuššan leat Norgga mearrabiepmut, muhto álggos lea konsearta mas Sølvguttene lávlot ja besset maid gullat Kudsi Ergüner, gii lea ottomansk musihkkameasttir. Ovttas galget sii lávlut earet eará  «Den prektigkledde sommerfugl» maid Wergeland lea čállán –masa lei ožžon inspirašuvnna nuortaeatnanlaš sufismmas.



Fáktadieđut

Faktadieđut Tyrkia birra

Oaivegávpot: Ankara

Stuorámus gávpogat: Istanbul, Ankara, Izmir

Viidodat: 770 760 km² (Norga: 385 186 km²)

Olmmošlohku 2010: Sullii 76,8 miljovnna

Almmolaš giella: Tyrkia-giella

Stivrejupmi: Republihkka

Stáhtaoaivámuš 2013: Presideanta Abdullah Gül

Diplomáhtalaš oktavuođat gaskal Tyrkia ja Norge ásahuvvo 1925:s, ja riikkaid gaskasaš oktavuođat leat hui buorit.

Norgga gálvovuovdin Tyrkia lassána jagis jahkái, ja mearrabiebmu lea dat gálvu man johtu lea earenoamáš buorre. Statkraft lea investeren čáhcefápmodoaimmaide, ja dađistaga eanet Norgga fatnasat huksejuvvojit Tyrkias.

Badjel 400 000 norgalačča fitne Tyrkias 2012:s, ja ollugat ásset dohko. 2012:s ledje badjel 5000 norgalačča ožžon ássanlobi. Norggas orrot sullii 16 500 Tyrkia stáhtaboargára ja norgalaččat geain leat ruohttasat Tyrkias.

Gáldu: Olgoriikadepartemeanta

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas