Hopp til hovedinnhold

Lihkku beivviin!

Árbevieru mielde lea Gonagasbearaš Šloahttabalkoŋggas dearvvaheamen mánáidtoga Oslos. Majestehtaguovttos Gonagas ja Dronnet ja Ruvdnaprinsabearaš bohte balkoŋgii veaháš ovdalaš bealoktanuppelogi, go mánáidtoga lahkonii Šloahttašilljui.

17.05.2013


Ovdalaččas odne vuostáiválddii Ruvdnaprinsabearaš Askera mánáidtoga Skaugum olggobealde.

Norstrand, Tonsenhagen ja Nøklevann skuvllat vácce ovddemusas dán jagi toga. Dan gudni ožžot dat skuvllat geain lea jorbajagi ávvudeapmi, ja dán jagi ávvuda Norstrand skuvla 100 jagi. Sihke Tonsenhagen ja Nøklevann leat 50 jagi, ja danin dat skuvllat besse vázzit njuolga maŋábealde.

Birrasii 60.000 máná ledje dán jagi togas mielde, ja Gardemusihkka loahpahii ávvudeami.


Ávvuda Londonis

Prinseasse Märtha Louise searvá miessemánu 17. beaivvi ávvudeapmái Londonis odne. Soai Ari Behnain galgaba čuovvut ipmilbálvalusa Norgga mearraolbmuidgirkus, ja dan maŋŋá čoaggana olles bearaš ávvudeapmái Southwark Parkas.


H
istorjá

Gonagas Haakon ja Dronnet Maud ásaheigga 1906:s dan árbevieru ahte dearvvahit mánáidtoga Oslos Šloahttabálkoŋggas. Dan rájes leat sii čuvvon dien árbevieru čađat, earret 1910:s dalle go Dronnet Mauda áhčči, eŋgelas Gonagas Edward hávdáduvvui, ja soahtejagiid 1940-1944.

Dál lea miessemánu 17. beaivi ja mánáidtoga goasii seamma ášši, muhto nu ii leat álo leamaš. Sáhtát lohkat eambbo miessemánu 17.beaivvi ávvudeami birra go čuovvut njuolaid duos olgešbealde.




Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas