Silbakandelaberat 1929

Norgga ráđđehus attii moadde silba kandelaber ginttaljuolggi headjaskeaŋkan Ruvdnaprinsii Olavii ja Ruvdnaprinsessii Märthai 1929:s.

Dát guđagieđat ginttaljuolgi lea hervejuvvon njeljiin silbaledjoniin mat dollet guhtege su emáljagalbba. Galbbain leat Norgga, Ruoŧa, Danmárkku ja Eŋglándda riikkasymbolat. Dát čalmmustahttejit Ruvdnaprinsabára sohkagullevašvuođa eurohpalaš gonagasviesuide.

Historihkka

Kandelaberiid attii dalá stáhtaministtar J. L. Mowinkel náittusbárrii Norgga ráđđehusa ovddas. Norgga stuoradiggi attii seamma dilálašvuođas jardinieraid main leat sullasaš hervemat. Nu sáhttá ge Stuoradikki ja ráđđehusa skeaŋkkaid geavahit oktanis go láhčá gonagaslaš feastabeavddi.

Stiila

Kandelaberiid eaŋkilis ja čavga málle čájeha hábmensuorggi ođđa ideaid. Funkšunalisma nugo”ođđa áiggi stiila” oidno sihke hámis ja hervemis. Ginttaljulggiid dárkilis čáppa hervemat lea eaŋkilat ja ulbmálaččat, eai ge dain leat dat mat gohčoduvvo badjelmearálaš hervemat. Stuoradikki ja ráđđehus skeaŋkkaid hábmii okta Norgga stuorámus gollečeahppi, Jakob T. Prytz (1886-1962) J. Tostrup fitnodaga ovddas.

Materiála
Silba ja emálja

Mihttu
Allodat: 46,5 cm

Inventarnummar
DKS.017122