Avreisen fra København

Dát historjjálaš mátki dáhpáhuvai dušše vihtta beaivvi maŋŋá go prinsa Carl lei giittuin miehtan norgga truvdnui ja dieđihan ahte som áigu váldit Haakon VII nama.v

Historihkka

Vuolginbeaivvi sáhtostedje Prinssa Carl ja Prinseassa Maud heasttain ja gollevovnnain sudno ruovttos Bernstorffs Palæ orrunbáikkis Bredegades, kájai gos gonagasskiipa Dannebrog lei vuordimen. Geaidnoguorain gokko sii vudje gávpotguovddáža čađa ja hámmanis ledje stuora olmmošveagat čoahkkanan seavvit mana dearvan gonagaslaččaide. Dannebrog borjjasteapmi Frihavn vuolggabáikkis lei allamielalaš, ja máŋgasiidda dat lei dovdduide čuohcci dáhpáhus. Tor Bomann-Larsen govvida earrováldima dánska álbmogiin čuovvovaččat: ”Go skiipa guođđigoahtá kája, čuožžu norgga Gonagasbárra skiippas ja seavaša, Prinsa iežas čáhppesalit admirálaháhtain ja Dronnet iežas vilges muffain. Musihkka čuodjá ja beaivesuotnjarat iđašit gehppes suova čađa mii badjána áibmui saluhttakanuvnnain”. Guokte dánska ja okta eŋgelas mearasuodjalusfatnasa čuvvot gonagasskiippa Dannebrog su mátkkistis.

Máleriija lea oassi stuorát álbmotskeaŋkkas dánska álbmogis maid adde 1906 ruvdnen oktavuođas. Gonagasbárra vuostáiválddii earet eará vihtta máleriija maid máŋga dánska dáiddára leat málen. Muhtun telegrámma Danmárkkus, maid Morgenbladet almmuhii, muitala ahte jurdda dáinna álbmotskeaŋkkain lei: ”Govaid karaktera ja sisdoallu lea mearriduvvon dan sávaldaga vuođul, ahte dat galggaše leahket muitun Gonagasbárrii dánska luonddus, ja mii sudnuide leamaš earenoamáš ráhkisin Danmárkkus.” Máleriija šattai ráhkis muitun Gonagas Haakonii; olles su ráđđenáiggi heaŋgái dat Gonagasa bargolanjas.

Dáiddár

Gova lea málen dánskalaš marinegovvamálejeaddji Vilhelm Arnesen (1865-1948). Lávejit dadjat ahte son lei maŋemus govvamálejeaddji ollu mearkkašahtti marinegovvamálejeddjiin Danmárkkus. Nuorran bovdejuvvui Arnesen máŋgga dilálašvuođas dánska militearafatnasiid mielde meara ala. Go son lei Korvetten fatnasis”Dagmar” 1895:s, de sutnje láhče dili beassat dearvvahit dalá mearraoffisera Prinssa Carl. Soai álggaheigga nuorragearddi ustitvuođa ja Prinsa Carl bovdii maŋŋil Arnesena iežas guossin mátkkiid vuolde. Go Dannebrog borjjastii Københámmanis skábmamánu 23. beaivvi 1905, de lei Vilhelm Arnesen okta mátkkálaččain. Nugo ollu dain marinegovain maid Arnesen lea ovdal málen, de lea motiiva ja duohta dáhpáhusat govahallojuvvon lunddolaččat ja ealliládje.
 

Materiálat
Oljomála liinnis

Mihtut
118 x 176 cm.

Signatuvra
Sign. n.t.v.: Vilh. Arnesen 1905-1906

Inventarnummar
DKS.003351