Monarkiija
Norga lea vuođđolágalaš monarkiija. Majestehta Gonagas lea riikka stáhtaoaivámuš, muhto su barggut leat vuostamužžan ovddasteaddji ja seremoniála. Láhkaaddi - ja doaimmahanváldi lea álbmotválljejuvvon orgánain - Stuorradikkis ja Ráđđehusas.
Gonagasa vuođđolágalaš geatnegasvuođaid gávdná Vuođđolágas. Lassin geatnegasvuođaide mat doppe leat čilgejuvvon, de lea Gonagasviesus dehálaš rolla eahpepolitihkalaš, ovttastahtti fápmun min riikkas. Dat čalmmustahttet dehálaš árvvuid, olbmuid ja ásahusaid mat ánssášit fuomášumi. Gonagasviessu ovddasta Norgga olgoriikkain ja lea veahkkin nanneme Norgga beroštumiid eará riikkain ja máilmmiosiin.
