Regeantagoddi
Majestehta Gonagas lea Norgga stáhtaoaivámuš. Go Gonagas lea olgoriikkas dahje buohccá, de lea Gonagaslaš Allavuohta Ruvdnaprinsa Regeanta Gonagasa sajis. Dát lea vuođđolága 41 §:a mielde.
Daid háviid go ii goabbáge Gonagasas dahje Ruvdnaprinssas leat riikkas, dahje jus buozalmasvuohta boahtá ovdii, de lea Stáhtaráđđi - ráđđehus - mii stivre gonagasriikka.
Norgga vuođđoláhka § 41
Vuođđolága § 41s čuožžu:
Jus Gonagas ii leat riikkas ii ge leat gieddebarggus, dahje jus son lea nu buohcci ahte ii sáhte fuolahit ráđđehusa, de galgá son gii lea lagamusas truvdnui jođihit ráđđehusa gonagaslaš válddi gaskaboddosaš doaimmaheaddjin, dainna eavttuin ahte son lea deavdán Gonagas-mearriduvvon rávesolbmoagi. Muđui stáhtaráđđi jođiha riikka hálddašeami.
Dieđut regeantagotti birra
Jus Ruvdnaprinsaregeanta dahje ráđđehus stivre gonagasriikka, de dat boahtá ovdan Gonagasviesu virggálaš prográmma bajilgovas neahttasiidduin. Sáhttá oaidnit ovdamearkka dihte go Ruvdnaprinssa leavga dahje stáhtaleavga čájehuvvo mearkan gonagaslaš prográmma bajábealde. Dieđut dán birra leat maid mielde preassadieđuin neahttasiidduin.
Šloahta leavggat
Áiggit markeremii
Go Ruvdnaprinsaregeanttas dahje ráđđehusas lea ovddasvástádus riikka stirvremis de boahtá dát ovdan dan beaivvi rájes go Gonagas dahje, jus lea dárbu, Ruvdnaprinsaregeanta guođđá riikka dahje buohccindieđihuvvo. Seamma láhkai sihkkojuvvojit eret dieđut regeantta birra go Gonagas máhccá fas riikii dahje lea almmuhuvvon dearvvašin. Aiddolaš áiggit eai almmuhuvvo.