Čuoigan-ja njuiken Máilmmimeasttirgilvvut (MM) álgán
Gonagasbearaš lei Dálveoaivegávpogis go Oslo sávai olles máilbmái buresboahtima sabehiiguin gilvvohallat MM - gilvvuin odne eahkes. Badjel 50.000 olbmo ledje boahtán čuovvut rahpanseremoniija Universitehtašiljus.
Eanet go 1700 máná Oslos skuvllain álggahedje rahpandilálašvuođa. Gonagasa Garde láidestii mánáid Šloahttašiljus, Šloahttamiellis vulos Universitehtašilljui, ja mánát gudde buot daid našuvnnaid leavggaid main leat oassálastit Máilmmimeasttirgilvvuin.
Svein Aaser, MM ovdaolmmoš, álggahii ja dasto rabai FIS-presideanta, Gianfranco Kasper gilvvuid almmolaččat. Sátnejođiheaddji Fabian Stang giitii earenoamážit mánáid: – Din dihte mii lágidit MM-gilvvuid, ja din dihte mii leat huksen Holmenkollena, logai Oslo-sátnejođiheaddji, ja dáhtui buohkaid hávskkohallat boahttevaš beivviid.
Boahtte oktanuppelohkái beaivvi galget 50 našuvnna gilvaleaddjit gilvvohallat 21 iešguđetlágan gilvvuin Holmenkollenis. Gonagas Harald čuovvu gilvvuid juohke beaivvi, ja su fárus dáidet eanas áiggi leat maiddái earát Gonagasbearrašis. Ruvdnaprinsa Haakon lea Máilmmimeasttirgilvvuid váldolávdegotti lahttu, son áigu čuovvut ollu gilvvohallamiid ja maiddái fitnat gilvvohallanlágideami rusttegiid geahččame.
Kultuvra guovddážis
Čađat dan áiggi go Máilmmimeasttirgilvvut leat, lágiduvvojit iešguđetlágan doalut Oslo gávpotguovddážis. Medáljajuohkin dáhpáhuvvá Universitehtašiljus juohke eahket, ja dan ovdál lágiduvvojit konsearttat ja kulturdoalut. Spikersuppas, nuppe bealde Karl Johan gáhta, leat ceggejuvvon buvddat gos olbmot besset oastit borramuša ja juhkamuša.
Dasa lassin leat maŋemus beivviid ceggejuvvon gávcci jiekŋaskulptuvrra:
Munch muohttagis ja jieŋas
Karl Johan gáhta guoras leat viđa riikka jiekŋadáiddára ráhkadan jiekŋaskulptuvrraid maidda leat inspirašuvnna viežžan Edvard Munch maleriijaid motiivvain. Daid beivviid leat Spikersuppai fievrredan 500 tonna muohttaga ja 45 kubihka jieŋa, ja dain leat hábmen earet eará "Skrik", "Syk pike" ja "Aften på Karl Johan". Šloahttamiellái lea ráhkaduvvon 15 metter guhkkosaš ”Pikene på broen” skulptuvra.
Feastamállásat
Eahkes leat Gonagas Harald ja Dronnet Sonja, Ruvdnaprinsa Haakon ja Ruvdnaprinseassa Mette-Marit guossin Ráđđeviesus, gosa Oslo sátnejođiheaddji Fabian Stang lea bovden Máilmmimeasttirgilvvuid rahpanmállásiidda.
-
Ski-VM: Barnetog
Mánát vázzet ráidun Šloahtas Universitehtašilljui searvat čuoigan-ja njuiken Máilmmimeasttirgilvvuid rahpamii Oslos gaskavahku. Sii dollet juohke oassálasti našuvnna leavgga. (Govva: Thomas Winje Øijord / Scanpix)Govva 1 / 15 -
Ski-VM: Storskjerm
Åpningsseremonien ble også vist på storskjerm på Universitetsplassen (Foto: Sven Gjeruldsen, Det kongelige hoff)Govva 2 / 15 -
Ski-VM: Kronprinsessen og Prinsessen
Ruvdnaprinseassa ja Prinseasse Ingrid Alexandra rahpandilálašvuođas. (Govva: Lise Åserud / Scanpix)Govva 3 / 15 -
Ski-VM: Folkemengde
Badjel 50,000 olbmo ledje boahtán Spikersuppai vásihit rahpanseremoniija (Govva: Stian Lysberg Solum / Scanpix)Govva 4 / 15 -
Ski-VM: Dronningen og Prinsessen
Dronnet ja Prinseasse Ingrid Alexandra MM-gilvvuid rahpamis (Govva: Lise Åserud / Scanpix)Govva 5 / 15 -
Ski-VM: Kronprinsparet
Ruvdnaprinsa Haakon ja Ruvdnaprinseassa Mette-Marit (Govva: Lise Åserud, Scanpix)Govva 6 / 15 -
Ski-VM: KPH og PSM
Ruvdnaprinsa Haakon ja Prinsa Sverre Magnus MM-gilvvuid rahpamis (Govva: Lise Åserud / Scanpix)Govva 7 / 15 -
Ski-VM: Kronprinsessen
-
Ski-VM: Garden
Garden oassálastiriikkaid leavggaiguin, jođus Universitehtašilljui (Govva: Thomas Winje Øijord / Scanpix)Govva 9 / 15 -
Ski-VM: Glorious
Maria Haukaas Mittet lávllui MM-lávlaga ”Glorious” (Govva: Stian Lysberg Solum / Scanpix)Govva 10 / 15 -
Ski-VM: Barnetog
Badjel 1700 máná Oslo skuvllain álggahedje MM-gilvvuid rahpama. (Govva: Scanpix)Govva 11 / 15 -
Ski-VM: Folkemengde
Badjel 50,000 olbmo ledje boahtán Spikersuppai vásihit rahpanseremoniija (Govva: Stian Lysberg Solum / Scanpix)Govva 12 / 15 -
Ski-VM: Ordførertog
Oslo sátnejođiheaddji Fabian Stang láidesta sátnejođiheaddji iežas olbmuid (Govva: Thomas Winje Øijord / Scanpix)Govva 13 / 15 -
Ski-VM: Aaser og Kasper
FIS presideanta Gian Franco Kasper doaimmahii gilvvuid almmolaš rahpama (Govva: Stian Lysberg Solum / Scanpix)Govva 14 / 15 -
Ski-VM: Middag
Gonagasbárra ja Ruvdnaprinsabárra bohtet MM-gilvvuid rahpanmállásiidda Oslo Ráđđevissui (Govva: Sturlason)Govva 15 / 15
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.