Njuike váldosisdollui

Lihkku beivviin!

Juste diibmu 10.30 bođii Gonagasbearaš Šloahttabalkoŋgii dearvvahit mánáidtoga Oslos. Okta váillui: Gonagaslaš Allavuohta Prinseassa Ingrid Alexandra lea dán jagi.

17.05.2023

Suodjalusa bargogottimusihkka láidestii mánáidtoga Šloahttašilljui. Sii čuojahedje sihke Gongagaslávlaga ja Álbmotlávlaga, ja  Oslo Håndverker Sangforening ja miessemánu 17.beaivvelávdegoddi serve lávlut.

 Mánáidtoga jođus Šloahta guvlui. Govven: Frederik Ringnes / NTB

Ja de šuvihedje mánát Šloahttašilju rastá. Álggos bohte skuvlamánát  Svarttjern, Rommen ja Lutvann skuvllain.  Lea dáhpin ahte skuvllat main lea muhtun lágán ávvudeapmi, váccet toga ovddemusas. Ja buot dát golbma skuvlla ávvudit 50-jagi beaivvi dán jagi. Oktiibuot leat sullii 110 skuvlla ja birrasii 30 000 oahppi searvan dán jagáš togai Oslos.

Gonagasbearaš dearvvaha mánáidtoga Šloahttabalkoŋggas. Govven: Frederik Ringnes / NTB

Prinseassa Ingrid Alexandra loahpaha skuvlavázzima Elvebakken joatkkaskuvllas dán jagi ja ávvuda ruoššaáiggi seammaahkásaččaiguin. Ja nu ii lean ge Prinseassa Skaugumas go Ruvdnaprinsabearaš dearvvahii Askera mánáidtoga.

 Ruvdnaprinsabearaš váldá vuostá Askera mánáidtoga Skauguma olggobealde. Govven: Lise Åserud / NTB

Govven: Lise Åserud, NTB

Govven: Lise Åserud / NTB

Govven: Lise Åserud / NTB

Historjá

Leigga Gonagas Haakon ja Dronnet Maud geat vuođđudeigga vieru dearvvahit Oslo mánáidtoga Šloahttabalkoŋgas. Árbevierru álggahuvvui jagis 1906 ja lea doalahuvvon dan rájes.  Áidna spiehkasteamit ledje jagis 1910 go Dronnet Mauda áhčči, eŋgelas Gonagas Edward, hávdáduvvui, soahtejagiin 1940-1944 ja koronarohttudávdda oktavuođas 2020-2021.

Dál lea miessemánu 17. beaivvi ávvudeapmi nannosit čadnon mánáidtogai, muhto nu ii leat álo leamaš.

Dál lea miessemánu 17. beaivvi ávvudeapmi nannosit čadnon mánáidtogai, muhto nu ii leat álo leamaš.

Miessemánu 17. beaivvi ávvudeapmi

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas