Bijai liđiid olggobealde London Pub
Ruvdnaprisabárra ja Prinsa Sverre Magnus ledje sin searvvis geat ledje buktán dievva ivdnás liđiid ja arvedávgeleavggaid olggobealde London Puba Oslo.
Lávvordaga geassemánu 25. beaivvi livččii stuora prideparáde galgán čađahuvvot Oslos – čalmmustahttindihte iluin ahte olmmoš galgá sáhttit ráhkistit juste gean háliida. Muhto dan sadjái lea báhčin olggobealde London Pub mii baicca báidná beaivvi. Guovttis godduiga ja 21 olbmo roasmmuhuvvo dán báhčintragediijas mii garrasit lea čuohcan bonju birrasii./p>
Ruvdnaprinsabárra ja Prinsa Sverre Magnus bidje liđiid olggobealde London pub. Govven: Björn Larsson Rosvall/TT
Sihke stáhtaministtar Jonas Gahr Støre, ráđđemusmiellahtut, Oslo sátnejođiheaddji Marianne Borgen ja gávpotráđi jođiheaddji Raymond Johansen bidje liđiid olggobeallai báikki gos dát ilgdis vearredahkku dáhpáhuvai.
Árabut dán beaivve, celkkii Majestehta Gonagas Harald ná báhčima birra.
“Mu bearaš ja mun leat hirpmástuvvan mannan ija issoras báhčintragediija geažil Oslo guovddážis gos guovttis godduiga ja oallugat roasmmuhuvve. Min jurdagat leat oapmahaččaid luhtte ja sih luhtte geaidda dát čuohcá. Mii sáddet liekkus jurdagiid buohkaide geat dál leat balus, morrašis ja dovdet vuorrádusa. Mii fertet ovttas várjalit ja suodjalit min árvvuid: friddjavuohta, girjáivuohta ja áktejupmi earáide. Mii fertet ain joatkit rahčamušaiguin vai buot olbmot dovdet oadjebasvuođa. Dál galgat váldit vára nubbi nuppis.”
Mearriduvvui ahte stuora prideparáde maŋiduvvo. Dattege válljejedje oallugat čalmmustahttit Pride eará ládje ja čađahuvvui maiddái pridetoga Grønlándda gávpotoasis London Pubai.
Fertet várjalit ja birastit iežamet
– Dáid beivviid fertet geahččalit erenoamážit váldit vára nubbi nuppis, dajai Ruvdnaprinsa Haakon maŋŋel go lei bidjan liđiid. – Mii fertet váldit vára ustibiin geat gullet dan birrasii mii erenoamážit gillá dán vearredagu geažil.
– Lea dehálaš ahte várjalit iežamet. Várjalit dan ahte Norge lea riika gos lea lohpi ráhkistit gean háliida, ja gos sáhttá bárastallat ja leat ovttas geainna háliida. Dán galggai odne čalmmustahttit ja ávvudit. Ii galgan ná šaddat. Lea dehálaš ahte mii várjalit dáid vuoigatvuođaid ja árvvuid. Daid ovddas ferte rahčaat ja dan dahkat mii dás odne.
Ruvdnaprinsa Haakon, Ruvdnaprinseassa Mette-Marit, Prinsa Sverre Magnus ja stáhtaministtar Jonas Gahr Støre vázze Rosenkrantzgáhtas London pubai. Govven: Javad Parsa / NTB
-
London Pub
Ruvdnaprinsabárra, stáhtaministtar Jonas Gahr Støre ja muhtun ráđđehuslahtut galledit báikki gos báhčin lei olggobealde London puba. Govven: Javad Parsa / NTBGovva 1 / 4 -
London Pub
Ruvdnaprinsabárra ja Prinsa Sverre Magnus bidje liđiid olggobealde London pub. Govven: Björn Larsson Rosvall/TTGovva 2 / 4 -
London Pub
Ruvdnaprinsabárra, stáhtaministtar Jonas Gahr Støre ja muhtun ráđđehuslahtut galledit báikki gos báhčin lei olggobealde London puba. Govven: Javad Parsa / NTBGovva 3 / 4 -
London Pub
Ruvdnaprinsa Haakon, Ruvdnaprinseassa Mette-Marit, Prinsa Sverre Magnus ja stáhtaministtar Jonas Gahr Støre vázze Rosenkrantzgáhtas London pubai. Govven: Javad Parsa / NTBGovva 4 / 4
Stuorát govva
Stuorát govva
Stuorát govva
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.