Lihkku beivviin!
Viimmat beasai olles Norga fas ávvudit miessemánu 17.beaivve nu go árbevirolaččat lávet. Dat guoskkai maiddái Gonagasbearrašii, mii Šloahttabalkoŋgas sáhtii váldit vuostá 130 Oslo-skuvlla.
Guokte jagi leat váillahan mánáid ráidovázzima ja olu eará hávskes árbevieruid mat gullet nášuvnnalašbeaivve ávvudeapmái, ja danin lei erenoamáš fiinna vásáhus dearvvahit mánáidtoga dán jagi.
Ledje Høybråten ja Slemdal skuvllat geat ledje ožžon gudnin vázzit buot ovddemusas dán jagi. Skuvllat geat besset ovddemussii, leat dávjá skuvllat maid lea ávvujahki ja sihke Høybråten ja Slemdal deavdiba 100 jagi dán jagi.
Gonagasbearaš dearvvaha Oslo mánáidtoga Šloahttabalkoŋgas. Govven: Annika Byrde / NTB
Go mánáidtoga njunušoassi bođii Šloahttašiljui, de vuolggahii sátnejođiheaddji oktasaš lávluma, ja gullui sihke «Kongesangen» ja «Ja, vi elsker». Ja nu šuvihedje ge mánát dohko ja ledje erenoamáš olu skuvllat geat oasálaste dán jagi.
Leavggaiguin dearvvahit Gonagasa ja Gonagasbearraša. Govven: Annika Byrde / NTB
Nu eatnat go 130 skuvlla serve dán jagáš mánáidtogai. Govven: Annika Byrde / NTB
Dearvvahedje mánáidtoga Askeris
Ruvdnaprinsabearaš álggahii ávvudeami Askeris, gos válde vuostá mánáidtoga Skauguma olggobealde dii 08.15 rájes.
Ruvdnaprinsabearaš dearvvaha Askera mánáidtoga Skauguma olggobealde. Govven: Lise Åserud, NTB
Ruvdnaprinsabearaš dearvvaha Askera mánáidtoga Skauguma olggobealde. Govven: Lise Åserud, NTB
Historjá
Leigga Gonagas Haakon ja Dronnet Maud geat vuođđudeigga vieru dearvvahit Oslo mánáidtoga Šloahttabalkoŋgas. Árbevierru álggahuvvui jagis 1906 ja lea doalahuvvon dan rájes. Áidna spiehkasteamit ledje jagis 1910 go Dronnet Mauda áhčči, eŋgelas Gonagas Edward, hávdáduvvui, soahtejagiin 1940-1944 ja koronarohttudávdda oktavuođas 2020-2021.
Vuosttaš háve go Gonagas Harald lea Šloahttabalkoŋgas miessemánu 17.beaivve. Amas govvejeaddji, Gonagaslaš čoakkáldat.
Dál lea miessemánu 17. beaivvi ávvudeapmi nannosit čadnon mánáidtogai, muhto nu ii leat álo leamaš.
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit

Miessemánu 17. beaivvi ávvudeapmi
Gonagasbearaš lea badjel 100 jagi juo vuostáiváldán mánáidtogaid Šloahttabalkoŋggas Oslos. Dán árbevieru álggahii Gonagas Haakon 1906:s. Dál lea mánáidtoga ja miessemánu 17. beaivi measta seamma ášši, muhto nu ii leat álo leamaš.

Gonagaslaš hoavva ovdanbuktá 2024 jahkeraportta
2024:s gallededje Gonagasviesu áirasat oktiibuot 42 suohkana ja fylkkamátkkit Agderii, Rogalándii ja Trøndelágii ledje stuorámus mátkkit. Gonagasviessu čađahii maiddái máŋgga olgoriikkamátkki Eurohpas, Amerihkás ja Gaska-Nuorttas. Oktiibuot ledje 743 virggálaš doaimma. Gonagasbárra lágidii maiddái njeallje stáhtaguossástallama ovtta jagis – juoga mii lea historjjálaš.