Gonagaslaš hoavva ovdanbuktá 2021 jahkeraportta

Gonagasbearaš lea galledan gávcci filkka fysalaččat ja golbma digitálalaččat, dasa lassin galledan 31 suohkana fysalaččat ja 13 digitálalaččat. Leat doallan 50 stáhtaráđi Šloahtas, ja eará riikkaid ambassadevrat leat vuoistáiváldojuvvon allaáiggálaš audienssas 27 geardde. Skábmamánus válddiiga Gonagasbárra vuostá Nederlándda gonagasbára stáhtagalledeamis, ja Ruvdnaprinsa lei USAs almmolaš galledeamis.

Sihkarvuođaprošeakta

Sihkarvuođaprošeakta Gonagaslaš opmodaga hárrái, lea jagis 2021 leamaš earenoamáš intensiiva dásis, ja stuora oasit dán prošeavttas gárvánedje jagi mielde. Alla doaibmadássi lea mielddisbuktán plánejuvvon vuolláibáhcaga rehketdoalus, mii gokčojuvvo ovdalaš várrejumiiguin prošeavttas.

Prošeakta ceggejuvvui jagis 2016 Justisdepartemeanta gohččuma vuođul maŋŋel go Politiijadirektoráhta doaimmahii sihkarvuođaguorahallama áigodagas 2012-2015, ja plána mielde dat loahpahuvvo jagis 2022.

Sihkarvuođaprošeavttas lea 623,8 miljovnna ruvnno gollorámman.  Dađi miede go leat bargan prošeavttain, de lea čájehuvvon ahte olu dilálašvuođaŧ leat leamaš arvat váddáseappot ja moalkábut go dan maid ovdaprošeakta lei bidjan vuođđun. Ja dasto lea olles prošeakta sihke maŋŋonan ja divron. Dát guoská sihke eanadilálašvuođaide ja kulturmuitohálddašeami vuhtiiváldiimii.

Seammás lea pandemiija dagahan ahte lea leamaš váttis oažžut materálaid Norgii áiggebále, hattit leat gorgŋon, ja leat maid muhtun muddui váilon fágalaš resurssat. Vuosttaš kvartálas 2022 reastaluvai okta min golmma váldolágideddjiin, ja dat dagahii lassi olggosgoluid. Progonsa lea lassánan, ja šaddá dárbbašlažžan bidjat ruđa gollorámma lassin.

Jahkerehketdoallu                                                                                                     

Plánejuvvon vuollaibáza rehketdoalus dán sihkarvuođaprošeavtta oktavuođas, lea 129 144 266 ja dat gokčojuvvo ovdalaš várrejumiiguin prošeavttas. Prošeavttas lea 19,6 miljovnna ruvdno geavatkeahtes ruhtan  31.12.21.

Nugo juo Hoavva dieđihii 2020 jahkerehketdoalu almmuheami oktavuođas, de lea dábálaš doaimmas 2021 vuollaibáza rehketdoalus. Dát dagaha 4 704 497 ruvnno. Koronapandemiija geažil eai leat sáhttán čađahit buot doaimmaid ovddit jagi, ja dáid čađahedje baicca 2021s. Leat geavahuvvon 8 miljovnna ruvnno opmodaga ja párkkaid divodemiide ja bajásdoallamii jagis 2021.

Doallogolut elrávnnji dáfus ledje 3,7 miljovnna ruvnno eanet go jagi ovdal, 2020, mii lea 111 % lassáneami.

Gonaslaš Hoava jahkeraporta oktan jahkemuitalusain 2021 ovddas, lea geigejuvvon Stuorradikki presideantagoddái, Gielda-ja guovludepartementii ja Riikarevišuvdii.