Hopp til hovedinnhold

Ruvdnaprinsa rabai čájáhusa “Gonagasa biillat”

– Bures boahtin čájáhussii «Gonagasa biillat». Leat hirbmadit illudan dán čájáhussii, dajai Gonagaslaš Allavuohta Ruvdnaprinsa Haakon go oahpistii Dronnet Sonja DáiddaStáljas guovvamánu 10. beaivve.

10.02.2022

Guovvamánu 11. beaivve rahppojuvvo uvssat čájáhussii «Gonagasa biillat. Njealji buolvva vuojánat». Čájáhusas beassá oaidnit erenoamáš osiid Gonagasviesu biilačoakkáldagas jagi 1913 rájes otnážii.  Rahpanbeaivvi oahpistii Ruvdnaprinsa preassa ja bovdejuvvon gussiid čájáhusas. 

Ruvdnaprinsa Haakon oahpista čájáhusas “Gonagasa biillat”. Govven: Beate Oma Dahle / NTB

Dát čájáhus lea teknologalaš ovdáneami, ođđahutkosiid,  elektrihkalaš biillaid ja designa historjá.

–  Dá lea árvideames vuosttaš biila mii min bearrašis lei, goit Norggas, dajai Ruvdnaprinsa Haakon ja čujuhii fiskes Mini-Cadillacai, 1912.

Dán stoahkanbiilla attii Stuorra-Británnia Dronnet Alexandra su mánáidmánnái, Ruvdnaprinsa Olav. Das lei alimusleaktu 20 km/diimmus ja dainna sáhtii vuodjit 25 kilomehtera hávális. Nu ahte jus dán stoahkanbiilla váldá mielde muitalussii, de sáhttá dadjat ahte Gonagasviesu vuosttaš biila lei duohtavuođas el-biila.

Ruvdnaprinsa Olav čohkká su elektrihkalaš Cadillacas, Bygdø Gonagasgárdinis. Govva: Gonagaslaš hoava govvavuorká.

Gonagas Haakona Minerva jagis 1913 lea Gonagasviesu vuosttaš biila, ja dan gávdná beaivválaččat Teknisk Museum nammasaš dávvirvuorkkás ovttas dainna Mini-Cadillacain.

Erenoamáš muitinveara, ikonalaš biillat čužžot ráidun DáiddaStáljas dán giđa:  «Headjabiila» A-5 Lincoln Continental Convertible 1966, biillačoakkáldaga čiegus árdna Packard One Eighty 1942 – mii ostojuvvui soahteáiggis ja lei doaimmas mealgadii 2000-logus, ja vel  A-1 Buick Roadmaster  1939, mii dáidá leat Gonagasviesu eanemus dovddus biila. Dan nummargalba  A-1 lea nannosit čadnon ráfái, friddjavuhtii ja dasa go Gonagas bođii  ruoktot geassemánu 7. beaivvi  1945.

Ruvdnaprinsa Haakon oahpista čájáhusas “Gonagasa biillat”. Govven: Beate Oma Dahle / NTB

Historjjálaš filbma ja govat čalmmustahttet historjjá das mot gonagas deaivvada álbmogiin. Dat čájehit dáhpáhusaid gos vuojánat leat leamaš guovddážis.

Gonagaslaš biilaráidu mas A-1 lea njunnožis vuodjá Torggata čađa dan beaivve go Gonagas Haakon bođii ruoktot Norgii, geassemánu 7. beaivvi 1945. Govva: NTB

Čájáhus bistá miessemánu 15. beaivái.

 

Fáktadieđut

Bileahtat DáiddaStálljii

Bileahtaid oasttát Ticketmasteris. Muhtun unna oasáža bileahtain vuovdit DáiddaStáljas.

Bileahttahattit:

    • Rávisolbmot: 125,-
    • Honnør: 100,-
    • Manát (6-17 jagi): 60,-

Vuollel 6 jahkásaš mánáide lea nuvttá sisabeassan
Doaibmahehtten olbmuid mielčuovvuide lea nuvttá sisabeassan

Dronning Sonja vil lede arbeidet med utviklingen av Kunststallen. Foto: Sven Gj. Gjeruldsen, Det kongelige hoff
Fáktadieđut

Nyhetsbrev om KunstStallen

Har du lyst til å få nyheter om Dronning Sonja KunstStall på e-post? Da kan du registrere deg via pekeren nedenfor. 

Du kan når som helst avslutte abonnementet ditt. Da kan du benytte pekeren for dette som alltid står nederst i hvert nyhetsbrev, eller du kan sende en e-post til kunststallen@slottet.no

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas

Áigeguovdilis áššit

Ruvdnaprinsa rasttilda Ruonáeatnama jieŋa

Ruvdnaprinsa rasttilda Ruonáeatnama jieŋa

Gonagaslaš Allavuohta Ruvdnaprinsa Haakon dollii ikte gaskkustanekspedišuvdnii Ruonáeatnama jieŋaid rastá. Dán ekspedišuvnna mihttomearrin lea gilvit dieđuid polárahistorjjá birra ja dehálaš luonddudieđalaš dutkama birra mii čađahuvvo Arktálaš guovlluin.

20.05.2022
Lihkku beivviin!

Lihkku beivviin!

Viimmat beasai olles Norga fas ávvudit miessemánu 17.beaivve nu go árbevirolaččat lávet. Dat guoskkai maiddái Gonagasbearrašii, mii Šloahttabalkoŋgas sáhtii váldit vuostá 130 Oslo-skuvlla.

17.05.2022
Ođasvuorká Ođasvuorká Ođasvuorká