Prinseassa čuovui stáhtaráđđečoahkkima
Su válddálašvuođabeaivvi oktavuođas oaččui Gonagaslaš Allavuohta Prinseassa Ingrid Alexandra bovdehusa áicat otná stáhtaráđđečoahkkima ja vásihit mot Stáhtaráđđi doaibmá Majestehta Gonagasa jođihemiin.
Vuođđolága § 35 miede lea dušše lagamus truvdnoárbbolaš gii sáhttá váldit saji Stáhtaráđis Gonagasa fárus. Prinseassas lei dasto dušše áici rolla.
Gonagaslaš Allavuohta Ruvdnaprinsa lei nugo dábálaččat mielde, ja virolaš vuogi mielde Gonagas ja Ruvdnaprinsa bođiiga stáhtaráđđesálai gos dearvvaheigga ráđđehusa miellahtuid ovdal go čoahkkin virggálaččat álggahuvvui. Prinseassa bođii stáhtaráđđesálai su ádjá ja áhči mielde.
Prinseassa Ingrid Alexandra áiccai stáhtaráđi su válddálašuođabeaivve. Govven: Lise Åserud, NTB
Stáhtaministtar Jonas Gahr Støre ja ráđđehusa miellahtut geat serve otná stáhtaráđđečoahkkimii, geavahedje liibba cealkit riegádanbeaivvedearvvuođaid Prinseassai su 18-jagi beaivvi oktavuođas.
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit

Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.

Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.