Skrivekurs på Skaugum
– Å skrive ei bok er det motsette av å skrive på insta. Insta er 100 meter – roman er maraton! Skrivelysten ungdom fekk råd og tips av erfarne forfattarar da Kronprinsessa inviterte til skrivekurs.
Den 8. mai legg Den Høgvørde Kronprinsessa ut på årets utgåve av Litteraturtoget – denne gongen med T-banen. Kronprinsessas Bokbane går frå Kolsås i Bærum til Stovner i Oslo. Som ein opptakt inviterte Kronprinsesse Mette-Marit ungdom til skrivekurs på Skaugum i dag – for å auke skrivelysta og inspirere til å skrive.
Skrivelysten ungdom
Ungdom frå åtte vidaregåande skolar var inviterte til kurset – alle med spesiell interesse for å lære meir om forfattarfaget. Dei kom frå Stovner, Hellerud, Etterstad, Persbråten, Ullern og Rosenvilde vidaregåande skolar, i tillegg til Oslo Handelsgymnasium og Oslo katedralskole.
Insta er 100 meter. Ein roman er maraton! Arne Svingen hadde mange gode råd og tips. Foto: Heiko Junge, NTB scanpix
Arne Svingen står bak bøker i ei rekkje genrar sidan debuten i 1999, men er kanskje mest kjend for spennande bøker for barn og unge. Han delte av sine erfaringar i dag. Det same gjorde Siri Pettersen – forfattaren av den populære serien Ravneringene.
– Les alt de kjem over om story structure, plot og layout, for i byrjinga veit ein ikkje kva ein driv med, rådde Siri Pettersen til. – Ikkje kast bort så mykje tid som eg gjorde.
Elevane fekk med seg gode råd frå erfarne forfattarar. Foto: Heiko Junge, NTB scanpix
Vi håpar på gjensyn med mange av ungdommane på biblioteka langs ruta for Kronprinsessas Bokbane 8. og 9. mai. Foto: Det kongelege hoffet
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.
Nobel ráfibálkkašumi geigejupmi 2023
Sotnabeaivve válddiiga 17-jahkásaš jumešguovttos Kiana ja Ali Rahmani vuostá Nobel ráfibálkkašumi mii dán jagi juhkkojuvvui sudno eadnái, Narges Mohammadi. Gonagasbárra ja Ruvdnaprinsabárra čuvvo allamenolaš seremoniija Oslo ráđđeviesus.