Gjekk Riddarrennet
Prinsesse Märtha Louise var følgje for ti år gamle Helena Grinaker Paulsen frå Skogbygda i Akershus under årets Riddarrenn på Beitostølen.
I dag vart Riddarveka avslutta med det tradisjonsrike Riddarrennet på Beitostølen. 500 deltakarar med syns- og rørslehemning deltok under årets renn – det 56. i rekkja sidan Kong Olav opna det aller første i 1964.
Prinsesse Märtha Louise er Riddarrennets høge beskyttar og har vore følgje under fleire renn tidlegare. I år gjekk ho saman med 10 år gamle Helena, som måtte amputere beina etter ei ulykke i 2010.
Prinsesse Märtha Louise og Helena Grinaker Paulsen gjekk Riddarrennet saman. Foto: Ivar Ødegaard
Prinsessa heldt òg tale ved opninga av rennet. Ho peika på korleis Riddarveka og -rennet både er ein arena for inkludering og ein arena for meistring. Og meistring på eitt område kan òg gje meistring på eit anna. Det er er avgjerande for utviklinga av eige potensial, helsa vår, for livskvaliteten og for samfunnet, sa Prinsessa.
Prinsesse Märtha Louise løfta òg fram det store dugnadsarbeidet som ligg til grunn for arrangementet:
– Dugnaden skaper eit spesielt samhald, han bryt ned barrierar og gjev auka forståing for ulike utfordringar medmenneska våre har. Og det meiner eg er eit vesentleg bidrag til gjere samfunnet vårt varmare og meir inkluderande.
Etter rennet delte Prinsessa ut medaljar i målområdet. Det gjorde òg statsminister Erna Solberg, og helseminister Bent Høie var med blant følgja under årets renn.
Prinsesse Märtha Louise var følgje for Helena Grinaker Paulsen. Foto: Bjørnar Smestad / NTB scanpix
Står sterkt
– Riddarrennet er avslutningsarrangementet på Riddarveka, som er verdas største årlege vinteridrettsarrangement for funksjonshemma. Riddarrennet står sterkt i Noreg, og vi er veldig glade for det gode samarbeidet vi har med styresmaktene, næringslivet og frivilligheita, fortel styreleiar Håkon Gisholt.
Det var eldsjela Erling Stordahl som tok initiativet til Riddarrennet i 1964. Riddarveka har utvikla seg til ei nasjonal og internasjonal storhending med aktivitetar som snowboard, alpint, skiskyting og langrenn, i tillegg til kultur og sosiale arrangement. Alt går føre seg på Beitostølen i Valdres. Stordahl mista synet da han var 14 år gammal, og han la ned eit betydeleg arbeid for blinde og andre funksjonshemma.
Juogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit

- Stuora illun beassat leat dáppe davvin
Návvuotna lei maŋemus bisánanbáiki Romssas dán jagáš fylkkamátkkis, man oktavuođas maiddái čađahuvvo guossástallan Svalbárddas. Dat lea Gonagasbára vuosttaš virggálaš galledeapmi suohkanis gos kveana, sámi ja norgga kultuvrrat ellet bálddalga.

Miessemánu 17. beaivvi ávvudeapmi
Gonagasbearaš lea badjel 100 jagi juo vuostáiváldán mánáidtogaid Šloahttabalkoŋggas Oslos. Dán árbevieru álggahii Gonagas Haakon 1906:s. Dál lea mánáidtoga ja miessemánu 17. beaivi measta seamma ášši, muhto nu ii leat álo leamaš.