Hopp til hovedinnhold

Ođđa čájáhus Dáiddastáljas

Odne rabai Majestehta Dronnet ođđa čájáhusa "Gonagaslaš stállja. Heastadoallu ja ekvipašat 1905-1940". Golggotmánu 13. beaivvi diibmu 11.00 rájes lea stállja rabas olbmuide geat hálidit boahtit geahččat čájáhusa!

12.10.2017

Gonagaslaš stállja geavahuvvui earenoamáš ollu dalle dan áiggi go uniovdna bieđganii. Heastadoaluin heite 1940:s. Odne beasai Dronnet Sonja sávvat olbmuide buresboahtima maŋos áiggis, dan áigái go heasttat ledje seamma dábálaččat Oslo gáhtain go biillat leat dál.

- Dán vuoru lea mii mannan njuolga álgoálgui, muitalii Dronnet. - Dán vistti álgui. Gonagaslaš hoava heastadoalu álgui, maid Dronnet Maud fas ealáskahtii.  Nugo dán čájáhusas oaidnibehtet, de leat ollu earenoamáš dávvirat áimmuin mat gullet gonagasbearraša heastadollui – nugo dat geavahuvvojedje gitta 2. máilmmisoađi rádjái. Lea stuora illun midjiide dáppe Šloahtas almmustahttit dáid dávviriid dál álbmogii!     

Sihke Dronnet Sonja, Ruvdnaprinseassa Mette-Marit ja Prinseassa Märtha Louise ledje čájáhusa rahpamis odne. Govva: Håkon Mosvold Larsen / NTB scanpix  

Dronnet Mauda stuora beroštupmi heasttaide ja riidemii ealáskahttojuvvui fas bearrašis, golbma buolvva maŋŋá. Lea Prinseassa Märtha Louise gii dál fievrreda dien árbbi viidáseappot, ja son čuovui áŋgirit rahpandilálašvuođa, sihke iežas vásáhusaiguin ja smiehttamušaiguin sihke riidema ja čájáhusa birra, ságastaladettiin Dronnegiin. Prinseassa lea  ieš maid oassi čájáhusas, láidesteaddjin Gonagaslaš leaŋgagámmira jietnabálgás.

Čájáhusas čuojahii jazzmusihkar Ellen Andrea Wang ja Ulf Holmene, guhte lea Riikaantikvára fágadirektevra doalai geahppasága Stálja historjjá birra.

Čájáhusas

Čájáhusas oaidnit Šloahta čábbámus vovnnaid, leaŋgadávviriid ja bargoneavvuid.

 Guovddážis čájáhusas lea čáppa vovdna, landauer, leŋgejuvvon njeljiin "heasttain" – nugo dat sáhtii lean dalle go Gonagas Haakon galggai vuoddját Stuoradiggái. Dákkár ekvipaše lea badjel 12 mehter guhku – dábálaš dán áigásaš busse lea gaskal 12 ja 15 mehter. Govva: Håkon Mosvold Larsen / NTB scanpix  

Dronnet Maudas lei stuora beroštupmi heastadollui ja son lei áŋgir riidet – álo nissonolbmuid sádeliin. Go gonagasbearaš bođii Norgii 1905:s, ođasmahttigođii son Gonagaslaš stálja, ja daid viiddis ođasmahttinbargguid ruhtadii Gonagas Haakon ieš. Dronnet Mauda riidenbiktasat,- dávvirat ja vovdna masa son liikui buoremusat leat oassin čájáhusas.

Vovdnadahkki Peder Norseng Hamaris lea ráhkadan Dronnet Mauda karjola. Das lei čohkkánsadji Ruvdnaprinsa Olavii. Govva: Jan Haug, Gonagaslaš čoakkáldagat

 

Gonagaslaš leaŋgagámmir lea vuosttaš geardde rahppojuvvon álbmogii. Dat earenoamáš latnja lea orron goasii áibbas lihkatkeahttá dan rájes Šloahtta heittii heastadoaluin 1940:s. Dáppe leat sihke sádelat, leaŋgadávvirat ja eará biergasat.

Gonagaslaš leaŋgagámmir lea vuosttaš geardde rahppojuvvon álbmogii. Govva: Jan Haug, Gonagaslaš hoavva

 
Dáhkis ruohttá "Heasta" maid videodáiddár Kristin Günther lea ráhkadan. Dat lea dábálaččat Kistofos -dávvirvuorkkás, muhto leat luoikan dan Dronnet Sonja Dáiddastálja rahpandilálašvuhtii. Diet installašuvdna lea ođđaáiggi oassi daid eará historjjálaš dávviriid siste – muhto barohkka dáhkkemaleriija lea addán dáiddárii inspirašuvnna.


Heastavuddjiid dávvirat leat maid oassin čájáhusas. Govva: Håkon Mosvold Larsen / NTB scanpix


Ihttin rahppo čájáhusolbmuide geat háliidit boahtit geahččat!

 

 

Prinsesse Märtha Louise ønsker velkommen til Det kongelige selekammer. Selekammeret har aldri tidligere vært tilgjengelig for publikum. Foto: Christian Lagaard, Det kongelige hoff
Fáktadieđut

Rahpanáiggit 

Mii čájehit čájáhusa "Slottet + Munch" 04.07.2020 rájes 17. 01.2021 rádjái.

  • Duorastat - sotnabeaivi 11.00 ja 16.00 

Mii lávet muhtomin šaddat doallat gitta giddejuvvon lágidemiid dihte. DáiddaStállja lea maid gitta daid áiggiid go čájáhus váldojuvvo eret dassážii ođđa čájáhus lea fas sajis ja rahppojuvvo. Rahpanáiggiid rievdamiin oainnát Facebookas ja dáppe Kongehuset.no 

Dronnet Sonja DáiddaStállja. Govva: Nina Ilefeldt, Gonagaslaš hoavva
Fáktadieđut

Bileahtat DáiddaStálljii

Bileahtaid oasttát Ticketmasteris. Muhtun unna oasáža bileahtain vuovdit DáiddaStáljas.

Bileahttahattit:

  • Rávisolbmot: 120,-
  • Honnør: 100,-
  • Manát (6-17 jagi): 100,-

  • Vuollel 6 jahkásaš mánáide lea nuvttá sisabeassan
  • Doaibmahehtten olbmuid mielčuovvuide lea nuvttá sisabeassan

  • Dan áiggi go Šloahtta lea rabas,lea vejolaš oastit bileahta mainna beassá sihke Gonagaslaš šloahta čájeheapmái ja DáiddaStálljii. Kombinašuvdnabileahta oažžu oastit dušše dan áigodaga go Šloahtta lea álbmogii rabas, ja dušše de go ovdagihtii oastá bileahta Ticketmasteris. Kombinašuvdnabileahtta máksá 200,-
Dronnet Sonja DáiddaStállja. Govva: Øivind Möller Bakken, Gonagaslaš hoavva
Fáktadieđut

Lágideamit DáiddaStáljas

Dronnet Sonja DáiddaStáljas lea sierra Facebook siidu. Doppe gávnnat dárkilit dieđuid čájáhusaid ja lágidemiid birra mat leat Dronnet Sonja DáiddaStáljas.

Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas