Dronnet sártnui dán jagi Feastaspealuin
Odne rahppojuvvojedje 65. Feastaspealut Bergenis, ja váldofáddán lea "Identitehta" Majestehtaguovttos Gonagas ja Dronnet leigga goappešagat mielde rahpandilálašvuođas Torgallmenning báikkis.
Geat mii leat, jerrojuvvo dán jagi feastaspealuin. Ja geat mii háliidivččiimet leat, go deaivvadit dáiddalašvuođain ja dainna mii lea amas, ja go gávnnadit ieš iežaideametguin?
Dronnet Sonja lei ožžon dan gudni ahte leahket dán jagi feastaspealuid sárdnideaddji.
- Gii lean mun?, jearai Dronnet.
- Diet gažaldat lea čatnan ollu olbmuid oktii áiggiid álggu rájes juo. Dat ovttastahttá min áiggiid čađa, riikkarájiid, kultuvrraid, oskkuid, agi ja sohkabeliid rastá. Ja dien gažaldaga jearrá ge dáidda hui dávjá – sihke musihkas, govvadáidagis, girjjálašvuođas ja dánssain.
"Min obba eallináiggi bargun lea šaddat buoremussan maid mii sáhttit šaddat olmmožin. Dat mas duođai lea mearkkašupmi, lea ahte mii geahččalit doaibmat nugo min mielas lea vuoiggalaš ja riekta. Ja duostat leahket dat mat mii leat. Muđui mii dáidit eahpádusa čađa šaddat vásihit buot maid eallin min ovdii bidjá.
Dronnet muitalii maid ahte dál son lea 31. gearddi beassan vásihit feastaspealuid! Vuosttaš gearddi lei 1969:s, dalle lei Ruvdnaprinseassa Sonja vuosttaš gearddi almmolaš guossástallamis Bergenis.
Lunša Håkonhállas
Árbevieru mielde bovdii Bergen suohkan lunšii Håkonhállii feastaspealuid rahpama oktavuođas, ja sátnejođiheaddji Marte Mjøs Persen lea guossoheaddjin. Feastaspealuid stivrajođiheaddji, Magne Furuholmen, galgá doallat sártni ja Einar Selvik galgá fas guoimmuhit musihkain, «Ni mødre av sol»
Rahpančájáhus Grieghállas
Odne eahkes beassá Gonagasbárra muosáhit máŋga Shakespeare oahpes karakteraid Feastaspealuid rahpančájáhusas. Leaba Robert Wilson (regiija) ja Rufus Wainwright (musihkka) geat leaba čohkken 25 Shakespeare soneahta ja ráhkadan dain teáhtera, ovttas duiskalaš teáhterkompaniijain Berliner Ensemble.
Čájáhusas beassat oaidnit ođđaáigásaš Shakespeare, ja historjá čadnojuvvo duiskalaš cabaretartistii Georgette Dee. Wainwrights musihkas vuhtto cabaret, ja Kurt Weill lea leamaš stuora inspirašuvdnan.
Feasta ja meassut 2 vahku
Dán jagi feastaspealut bistet miessemánu 24. rájes geassemánu 7. beaivái, ja meassuin lea ollu musihkka, teáhterčájáhusat, dánssat ja čájáhusat.
Gonagas ja Dronnet 2017 Feastaspealuid almmolaš rahpamis. Govva: Marit Hommedal / NTB scanpix
- Geahččalehkot mii dál dáid beivviid deaivvadit guhtet guimmiideametguin dáidaga rabasvuođain – ja diktot iežamet vásihit sihke olmmošlaš ja dáiddalaš buoremus dási šohkkabáruid!, logai Dronnet Sonja.
Majestehta Gonagas lea Bergena Feastaspealuid suodjaleaddji.
-
Festspillene 2017: Talen
Dronnet sártnui dán jagi Feastaspealuin. Govva: Marit Hommedal / NTB scanpixGovva 1 / 1
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.
Lihkusávaldagat Dánmárkku ođđa gonagasbárrii
Majestehta Gonagas Harald cealká liekkus lihkusávaldagaid Majestehta Gonagas Frederik X ja Majestehta Dronnet Mary guoktái truvdnolotnahuvvama oktavuođas Dánmárkkus.