Hopp til hovedinnhold

Lihkku beivviin!

Gonagasbearaš bođii nugo dábálaččat ge Šloahttabalkoŋgii dearvvahit mánnátogaid Oslos 10.30. De lei jo Ruvdnaprinsabárra dearvvahan Asker mánáidtoga, mii váccii Skaugum meaddel 08.15. 

17.05.2017

Oslo suohkan dieđihii ahte leat earenoamáš ollu skuvllat dieđihan dán jagi mánáidtogii: 121 skuvlla vázze čađa gávpoga leavggaiguin.  Árbevieru mielde vázzet dat skuvllat ovddemusas main lea ávvudanjahki, ja dán jagi lei Kjelsås skuvla ožžon dan gudni ahte beassat ovddemussii togas. Kjelsås skuvla lea 100 jagi dán jagi. Dakka sin maŋis lea Klemetsrud skuvla, mii ávvuda 150 jagi, ja Sørkedalen  mii ávvuda 175 jagi.

Govva: Vegard Wivestad Grøtt / NTB scanpixGovva: Vegard Wivestad Grøtt / NTB scanpix


Gardemusihkka loahpaha, nugo álo lea dahkan, mánáidtoga Oslos - birrasii diibmu 13.30.


Ruvdnaprinsabearaš dearvvaha mánáidtoga Askeris olggobealde Skaugum. Govva: Vegard Wivestad Grøtt / NTB scanpixRuvdnaprinsabearaš dearvvaha mánáidtoga Askeris olggobealde Skaugum. Govva: Vegard Wivestad Grøtt / NTB scanpix

Eanet govaid gávnnat govvakaruseallas go čuovut njuola sierra govvaalbumii gos leat Gonagasbearraša 2017 govat.

Historjá

Gonagas Haakon ja Dronnet Maud ásaheigga 1906:s dan árbevieru ahte dearvvahit mánáidtoga Oslos Šloahttabalkoŋggas. Dan rájes leat sii čuvvon dien árbevieru čađat, earret 1910:s dalle go Dronnet Mauda áhčči, eŋgelas Gonagas Edward hávdáduvvui, ja soahtejagiid 1940-1944.


Gonagas Haralda vuosttaš miessemánu 17.beaivi Šloahttabalkoŋggas, 1938 (Dovdameahttun govvejeaddji, Gonagaslaš hoava govavuorká)Gonagas Haralda vuosttaš miessemánu 17.beaivi Šloahttabalkoŋggas, 1938 (Dovdameahttun govvejeaddji, Gonagaslaš hoava govavuorká)

 

Dál lea miessemánu 17. beaivi ja mánáidtoga goasii seamma ášši, muhto nu ii leat álo leamaš. Sáhtát lohkat eambbo miessemánu 17.beaivvi ávvudeami birra go čuovvut njuolaid duos olgešbealde.

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas