Njuike váldosisdollui

Riikaviidosaš Heahteneahtta

Majestehta Gonagas lei fárus go Norgga ođđa Heahteneahtta rahppojuvvui odne riikaviidosaš doaibman. - Dat lea oppa mihá stuora ovdáneapmi mii guoská Norgga sihkarvuhtii ja servodatoadjebasvuođa sihkkarastimii, logai DNK direktevra Tor Helge Lyngstøl.

01.12.2015

Vuosttaš oassi Heahteneahtas váldojuvvui atnui 2010 giđa. Dađistaga lea eanet guovllut riikkas čadnojuvvon dasa. Nuorta – Finnmárku lei maŋemus guovlu mii čadnui dasa, ja odne lea ge Heahteneahtta nannejuvvon riikkaviidosaš doaibman. Dan dáhpáhusa čalmmustahttin lei Thon hoteallas Girkonjárggas eske ovdalgaskabeaivvi.

Riikaviidosaš neahtta

Heahteneahtta lea heahte – ja gearggusvuođadoaimmahusaid digitála radiogulahallandoaibma Norggas. Dat lea sihkkaris, jođánis ja nanu gulahallanvuohki dain báikkiin gos olbmot ásset ja vánddardit, maid ii sáhte suoli gii ge guldalit. Ovdal lei nu ahte iešguđetge geavaheaddjijoavkkuin ledje sin iežaset gulahallančovdosat. Dát ođđa neahtta čohkke buot heahtedoaimmaid oktasaš gulahallanfierpmádahkii.

Guovddáš funkšuvdna dán doaimmas lea čielga ja sihkkaris jietna buot dilálašvuođain ja hupmanjoavkkut gos máŋggas sáhttet oktanaga ságastallat. Dát ovddida ovttasbargu dakkár diliin gos muhtun dáhpáhus gáibida veahki máŋgga etáhtas oktanaga, ja sii sáhttet ge dasto gulahallat beroškeahttá das movt lea organiserejuvvon ja gos de ain geográfalaččat ležžet.

Ollu geavaheaddjit juo

Heahteetáhtat – Politiija, Buollin – ja gádjunásahus ja Dearvvašvuođabálvalus leat neahta guovddáš geavaheaddjit, muhto maiddái eará gearggusvuođadoaimmahusat geavahit Heahteneahta. Dan dahket nugo ovdamearkkadihte váldogádjunguovddážat, Tuollárásahus ja Suodjalus, ja dasa lassin vel máŋga eaktodáhtolaš organisašuvnna. Badjel 1,44 miljovnna ságastallama čađahuvvo Heahteneahta bokte golggotmánus.

Otná čalmmustahttin álggahuvvui filmma čájehemiin. Filmmas besse oaidnit neahta birra ja movt dat lea huksejuvvon.

Neahta rabai justis- ja gearggusvuođaministtar

Heahtegulahallama direktoráhtta (DNK) oamasta ja hálddaša Heahteneahta. Direktevra Tor Helge Lyngstøl sávai buresboahtima ovdal go justis- ja gearggusvuođaministtar Anders Anundsen doalai otná váldosáhkavuoru.

Anundsen čuorvvui máŋga etáhta Heahteneahta bokte, ja oaččui sis vástádusaid, ja dasto son sáhtii ge almmolaččat rahpat Heahteneahta riikaviidosaš fierpmádahkan.

Politiijastašuvdnii

Neahta našuvnnalaš rahpamis vulge sii viidáseappot Girkonjárgga politiijastašuvdnii, gos sii almmolaččat čatne Nuorta-Finnmárkku politiijaguovllu dán ođđa heahtenehttii. Nuorta-Finnmárku lei maŋemus politiijaguovlu mii gárvvistuvvui nehttii. Ja veaigin beasai ge politiijameasttir Ellen Katrine Hætta vuostáiváldit Gonagas Haralda ja justis-ja gearggusvuođaministara Anders Anundsen rahpamii.

Politiijastašuvnna vuosttaš almmolaš čuorvumat heahteneahta bokte manne muhtun politiijabiillaide mat ledje barggus, 110-guovddážii Hammerfeasttas ja 113 nummarii Girkonjárggas.

Vuostáiváldiguovddáš Finnmárkkus

Lei maid eske veaigin vejolašvuohta fitnat báhtareddjiid vuostáiváldinguovddážis Finnmárkkus, mii lea olggobealde Girkonjárgga. Guovddáš vuostáiváldá báhtareddjiid mat bohtet Ruoššas Storskoga rádjebearráigeahču bokte. Gonagas Harald ja justis – ja gearggusvuođaministtar beasaiga gullat makkár dilli Finnmárkku vuostáiváldinguovddážis lea ja movt sii barget.

Olgoriikadirektoráhta báikkálaš jođiheaddji, Anne Siri Rustad, muitalii iežaset bargguid birra, ovttas vuostáiváldinjođiheddjiin Henry Osima, dearvvašvuođabargiiguin ja politiija olgoriikaovttadaga teamjođiheddjiin, Tor Espen Haga.

 

Informasjonsfilm om Norges nye nødnett. Produsert av Sølvsuper AS på oppdrag av Direktoratet for nødkommunikasjon.
Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas