Hopp til hovedinnhold

Kulturmuittuid suodjaleapmi

Majestehtaguovttos Gonagas ja Dronnet leaba mátkkoštan viidáseappot Baganii, mii lea historjjálaš tempelguovlu Mandalay-regiovnnas. Kulturmuittuid suodjaleapmi lei guovddážis Gonagasbára goalmmát beaivvi guossástallamis Myanmaras.

03.12.2014

Gaskal 800 – 1200- logu lei Bagan boares Pagan gonagasválddi oaivegávpot – mii lea okta dain regiovnnain mii maŋŋil šattai dálá Myanmar. Dan áiggis go gonagasváldi lei buot stuorámus, de huksejuvvojedje dan guvlui badjel 10 000 buddhismmalaš pagoda. Álggos dat ledje oassin gávpogis, muhto dat ledje huksejuvvon teak muorain. Go diet muorraviesut jávke, de báhce dušše oskui gullevaš geađgehuksemat vel. Ain gávdnojit 3 100 diekkár hukseha.

Diet viiddis tempelguovlu lea dál Myanmara deháleamos turistageasuheaddji báiki, sihke danin go lea nu stuoris ja viiddis, ja maiddái danin go leat nu čáppa arkitektuvra. Myanmar eiseválddiide lea dehálaš áššin oažžut Bagan tempeliid UNESCO máilmmiárbelistui.

Fágadoalut kulturmuittuid suodjaleami birra

Gonagas Harald ja Dronnet Sonja álggaheigga otná beaivvi preassadeaivvademiin Thande hoteallas, ja dan maŋŋil lei fágalunša ja seminára Bagan arkeologalaš dávvirvuorkkás. Fáddán lei Norgga- Myanmar ovttasbargu luonddu ja kulturmuittuid suodjaleami suorggis. Seminára čuvvo báikkálaš ja regiovnnalaš eiseválddiid ovddasteaddjit, lassin UNESCO ja Norgga ovddasteddjiide.

Stáhtačálli Lars Andreas Lunde Dálkkádat – ja birasdepartemeanttas doalai sáhkavuoru Norgga bealis. Son logai ahte lea dehálaš sihkkarastit dieid kultuvrralaš divrras dávviriid ja oažžut čállit daid UNESCO kulturárbelistui.

"(...) I was reflecting upon what the word “heritage” actually means: Heritage is that which is inherited from past generations, maintained in the present, and bestowed to future generations.

The unique heritage that Myanmar has to offer – cultural heritage and natural heritage – poses many opportunities. It attracts tourism, which we now see is increasing in large numbers. This again may spur social and economic development. However, in order to bestow to future generations, heritage must be preserved.

Ja odne vuolláičállojuvvui maid ovttasbargosoahpamuš mii doarju Norgga Myanmara ambassáda ja UNESCO dehálaš ovttasbarggu. Soahpamuš addá teknihkalaš doarjaga hálddašit čieža válljejuvvon báikki.

Čájeheapmi

Maŋŋil čoahkkima dávvirvuorkkás, oahpistii ja čájehii várrekulturministtar Gonagassii ja Dronnegii tempelguovllu. Gonagasbárra beasai oaidnit dárkileappot golbma bassivuođa: Ananda-tempela, Shwe San Taw ja Sulamani tempela.

Ananda-tempel huksejuvvui jagis 1105 ja lea ain dál ge dehálaš oskkolaš guovddáš. Tempela siste leat njeallje ceakko buddha – okta juohke almmiguovllu váste, ja lea maid ollu ja viiddis myanmar dáidda ja giehtadáiddaduodji.

Shwe San Taw lea earalágan go duot guokte eará tempela, danin go das lea áibbas eará arkitektuvra, kruvdnejuvvon gollehuvvon stupain mii lea 88 mehtera alu. Ja dat pagodena geasuha maid ollu buddhismmalaš pilegrimaid, seammaládje go dat guokte tempela gos Gonagasbárra finai odne.

Sulamani-tempel – "kruvnno helbmo" – jagis 1181, lea okta dain Myanmar tempeliin gos fitnet eanemus olbmot. Doppe beasaiga Gonagas Harald ja Dronnet Sonja earet eará návddašit daid ollu boares tempelmaleriijaid mat leat ollásit ovddeštuvvon.

Gonagas ja Dronnet vuolgiba dál fatnasiin mátkkoštit Irrawaddy eanu mielde Mandalay guvlui, gos soai loahpaheaba guossástallama go fitnaba Mandalay hills báikkis ja dan boares gonagasgárdimis.

 

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas