Hopp til hovedinnhold

Abelbálkkašupmi 2013

Odne attii Majestehta Gonagas Harald Abelbálkkašumi, mas lea hui stuora mearkkašupmi, belgiija matematihkkárii Pierre Deligne. Deligne oažžu bálkkašumi danin go lea bargan earenoamáš mearkkašanveara barggu algebra geometriija suorggis.

21.05.2013

Abelbálkkašupmi addojuvvui dál 11. geardde, ja vieru mielde lágiduvvui bálkkašumi addindilálašvuohta Universitehta Aulas Oslos. Bálkkašupmi lea 6 miljovnna ruvnno ja lea Norske Videnskaps-Akademi mii juohká bálkkašumi.

Pierre Delign oažžu bálkkašumi  danin go lea bargan earenoamáš mearkkašanveara barggu algebra geometriija suorggis, ja dan ovddas go su bargguin lea čađamearkkašahtti váikkuhus lohkoteoriijai, ovddastanteoriijai ja daidda gullevaš surggiide.

Abellávdegoddi cealká: "Delignes beaktilis doahpagiin, fuomášumiin, bohtosiin ja metodain boahtá ain dás ovddos leat stuora mearkkašupmi algebra geometriija ovddideamis ja matematihka ovddideamis oppalohkái."

Ovdalgaskabeaivvi vuostáiválddii Gonagas bálkkašumi vuoiti audieanssas Šloahtas.

Abelbaŋkeahtta

Eahkes lei baŋkeahtta Akershus Šloahtas gudnin for Pierre Deligne. Gonagas lei doppe mállásiin, ja lei máhttoministtar Kristin Halvorsen guhte lei dilálašvuođa láidesteaddji.

Ihttin doallá Abelbálkkašumi vuoiti bálkkašanlogaldallama Oslo Universitehtas. Son galgá maid leat gudniguossin go Anne-Mari Jensen oažžu Holmboebálkkašumi Oslo katedralskuvllas.

Abelbálkkašupmi

Abelbálkkašupmi lea ožžon namas Norgga matematihkkara Niels Henrik Abel maŋis, guhte iežas oanehis eallináiggis ollii ovddidit ollu teroriijaid mat šadde áibbas mearrideaddjin dán fága ovddideamis.

Abel jámii tuberkulose dávddain 1829:s, ovdal go lei deavdán 27 jagi.



Guoskevaš leaŋkkat

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas