Njuike váldosisdollui

Juovllat Šloahtas

Dán jagi juovlakonsearta Gonagaslaš šloahtas lágiduvvui gaskavateahket. Sihke Gonagasbárra, Ruvdnaprinsa, Prinseassa Ingrid Alexandra ja Marius ledje «Juovllat Šloahtas», konsearttas, mii čájehuvvo TV:s odne eahkes.

22.12.2012

Dán láhkái hálida Gonagasbearaš bovdet Norgga álbmoga iežaset lusa vásihit singuin ovttas buori ovdaljuovllaid oktavuođa, servvolašvuođa ja liekkusvuođa.

Dál lea nuppe jahki go Majestehtaguovttos Gonagas ja Dronnet bovdeba juovlakonsertii. 2011:s lágiduvvui konseartta ovttas Ruvdnaprinsabára foanddain, ja nuorat geat dien foanddas ledje ožžon prošeaktadoarjagiid, ledje guossin konsearttas. Dán jagi leat nuorat iešguđet guovlluin riikkas, geaiguin Gonagasbárra ja Ruvdnaprinsabárra leat deaivvadan iežaset guossástallanmátkkiin, bovdejuvvon Šlohttii.

Čuojahedje Šloahta stuora feastasálas

Konsearta lágiduvvui Šloahta stuora feastasálas, ja dat lea ge earenoamáš rámman konsertii. Dan sálas čuojahedje ja lávlo bovdejuvvon artisttat sihke boares juovlasálmmaid ja ođđaáiggi lávlagiid. Guossit besse gullat dakkár lávlagiid go earet eará Det hev ei rose sprunge, Vi tenner våre lykter, Let it Snow, Fairytale of New York ja O helga natt.

Artisttat Tuva Syvertsen, Solveig Slettahjell, Kurt Nilsen, Amina Sewali, Ida Jenshus, Amund Maarud ja Johannes Weisser ledje konsearttas mielde. Gaskkamuttos konseartta lágideami attii Dronnet Sonja skriinna Prinseassa Ingrid Alexandrai. Ja dan skriinna rabai Prinseassa… Ja mii de dáhpáhuvai, dat galgá leat čiegusvuohtan sidjiide geat gehččet konseartta odne eahkes TV:s.

Konsearta loahpahuvvui Hávski lea eanan (Deilig er Jorden) sálmmain, maid buohkat lávlo ovttas.

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas