Juovladearvvuođat Kruvnnaprinssabearrašis
Kruvnnaprinssa bearáš lea leamašan mátkkis skábmamánu loahpa rájes. Sikkim báikkis nuortadavvi Indias sii deaivvadedje NRK joavkkuin, ja leat sádden ruoktot juovladearvvuođaid filmmain ja govaiguin.
Mátki álggi Istanbulas, gos finadedje earret eará Hagia Sofias – mii oktii lei okta máilmmi fámoleamos girkuin, ovdal go dat šattai moskéa maŋŋil go turkalaččat jođihišgohte Konstantinopela. Odne lea Hagia Sofia dávvirvuorká.
Kruvnnaprinssabearaš finadedje maiddái Ammanas Jordanas, ovdal go vulge nuortas Indiai. Indias sii leat fitnan earret eará Jodphuras Rajastanas ja Dzongus Sikkimas.
Dzongu birra
Dzongu lea leahki lahka Himalaya vári man davimus rádji lea Tibet guvlui, oarjerádji Nepala ja nuortarádji ges Bhutan guvlui. Dát lea suodjaluvvon guovlu lepcha álgoálbmoga várás, ja guovllus eai sáhte earát go lepcha-olbmot oamastit eatnamiid.
Dzongus orrot sullii 7000 olbmo. Luondduruovttudoallu lea guovllu dovdomearkan, ja guovllu olbmot birgejit dainna maid ieža gilvet. Maŋimus jagiid lea guvlui láhččojuvvon elektrisitehta ja telefovdna.
Jus galgá mátkkoštit Dzongui de dasa dárbbaša sierralobi, ja lea dušše soames jagi dás ovdal ahte turisttat besse guvlui. Dáppe eai gávdno hoteallat, muhto soames bearrašat leat ruovttuideaset rahpan "homestay" báikin, gos mátkkošteaddjit sáhttet orrut ovttas bearrašiiguin.
Homestay
Kruvnnaprinssabearas orui Mayal Lyang Homestay:s, Gyatso Tongden Lepcha ja su bearraša luhtte Passingdang gilážis. Doppe sii borre árbevirolaš borramušaid ja orro nu movt guovllu olbmot dahket.
-
Reisen: Familien
-
Reisen: Gruppe
Kruvnnaprinssabearas lahka Passingdang klostera ovttas muŋkkaiguin ja Mayal Lyang homestay doalloisidin, Gyatso Tongden Lepchan (Govva: NRK)Govva 2 / 8 -
Reisen: Lys
Kruvnnaprinssabearaš cahkkeha čuovggaid Passingdang Klosteris (Govva: NRK)Govva 3 / 8 -
Reisen: Grassankere
Kruvnnaprinssabearaš humadit mánáiguin geat leat viežžamin suinniid gusaide (Govva: NRK)Govva 4 / 8 -
Reisen: Grassankere
Ruvdnaprinssabearaš humadit mánáiguin geat leat viežžamin suinniid gusaide (Govva: NRK)Govva 5 / 8 -
Reisen: Grassankere
Ruvdnaprinssabearaš humadit mánáiguin geat leat viežžamin suinniid gusaide (Govva: NRK)Govva 6 / 8 -
Reisen: Hagia Sofia
Kruvnnaprinssabearaš ovddabealde Hagia Sofia Istanbulas (Govven: Gonagaslaš bálvágoddi)Govva 7 / 8 -
Reisen: Prinsessen
Prinseassa Ingrid Alexandra láibu indialaš láibbi ovttas Rajastan nissoniin, Indias (Govven: Gonagaslaš bálvágoddi)Govva 8 / 8
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govva
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
Gonagaslaš hoavva ovdanbuktá 2024 jahkeraportta
2024:s gallededje Gonagasviesu áirasat oktiibuot 42 suohkana ja fylkkamátkkit Agderii, Rogalándii ja Trøndelágii ledje stuorámus mátkkit. Gonagasviessu čađahii maiddái máŋgga olgoriikkamátkki Eurohpas, Amerihkás ja Gaska-Nuorttas. Oktiibuot ledje 743 virggálaš doaimma. Gonagasbárra lágidii maiddái njeallje stáhtaguossástallama ovtta jagis – juoga mii lea historjjálaš.
Gonagaslaš hoavva ovdanbuktá 2023 jahkeraportta
Gonagasviesu doaimmat diibmá speadjalastet otná Norgga. Gonagasbearraša mátkkit 47 suohkanii, almmolaš galledeamit viđa eurohpalaš riikkain, iešguđetlágan lágideamit ovttas riikka suodjalusain ja riikka gearggusvuođa guovdilastin, čájeha mii lea dehálaš Norgii ja masa gonagasbearaš lea bidjan návccaid.