Konsert på Oscarshall

Hennar Majestet Dronninga var til stades under konserten, der den svenske mezzosopranen Rebecka Wallroth framførte utvalde lieder saman med pianisten Sveinung Bjelland.

Konserten fann stad i Salongen på lystslottet på Bygdøy. Foto: Liv Anette Luane, Det kongelege hoffet

På programmet stod verk av mellom andre Alma Mahler, Wilhelm Stenhammar, Edvard Grieg, Agathe Backer Grøndahl og Jean Sibelius.

Dronning Sonja saman med dagleg leiar for konkurransen, Lars Hallvard Flæten. Foto: Liv Anette Luane, Det kongelege hoffet

Seks songarar er klare for den store finalen i Oslo Konserthus i kveld.

Dei seks finalistane er:

• Vladyslav Buialskyi (f. 1997) / Ukraina / bassbaryton
• Hannah Edmunds (f. 1999) / Noreg / sopran
• Paweł Horodyski (f. 2000) / Polen / bass
• Justyna Khil (f. 1997) / Polen / sopran
• Kathleen O’Mara (f. 1996) / USA / sopran
• Meridian Prall (f. 1996) / USA / mezzosopran

I finalen skal dei seks songarane framføre operaariar, akkompagnert av Oslo-Filharmonien under leiing av dirigent Nicholas Carter. Jasmin White, vinnaren av Dronning Sonja Sangkonkurranse i 2023, er konferansier.

Til konkurransen i år søkte 500 songarar frå 57 ulike land om å delta.

Dronning Sonja vil vere til stades og dele ut prisane i konkurransen.