Besøkte Briskeby videregående skole

– Eg trur veldig på at alle menneske, uansett kven dei er, har lyst til å få til ting. Du har lyst til å bruke evnene dine, og du har lyst til å bidra. Det trur eg denne skulen legg grunnlaget for, sa Kronprins Haakon til elevar og lærarar under besøket.

Kronprinsen kjem til Briskeby. Foto: Ola Vatn, Det kongelege hoffet

Omvising og vaflar

Det går 52 elevar på Briskeby. Skulen er kjenneteikna av teknisk tilrettelegging, små klasser, tilsette med kompetanse på høyrsel – og eit godt sosialt miljø.

Under besøket møtte Kronprinsen skuleelevar og fekk ei omvising i klasserom, hybelhus og elevane si garasje, der dei har høve til å skru på bilar og mopedar på fritida. Besøket vart avslutta med nysteikte vaflar og mingling med elevane ute – i strålande sol.

Mange av elevane bur i hybelhus ved skulen, og i elevane si garasje har dei moglegheit til å skru og mekke på syklar og mopedar i fritida. Foto: Ola Vatn, Det kongelege hoffet

Beskyttarskap

Briskeby vidaregåande skule i Lier er eigd av Hørselshemmedes Landsforbund (HLF).

Til stades i dag var generalsekretær Inger Helene Venås og forbundsleiar i HLF, Bjørg Kampestuen-Berntzen, som òg har vore elev ved skulen.

Kronprinsen er beskyttar for organisasjonen, som har over 68 000 medlemar.