Ođđa govat Prinseassa Ingrid Alexandras
Válddálašvuođabeaivvi ávvudeami oktavuođas leat govvejuvvon ođđa govat Gonagaslaš Allavuođas, Prinseassa Ingrid Alexandras.
Govven lei Gonagaslaš Šloahtas, Øvre vestibyle lanjas.
Prinseassas lea oaivečikŋa, diadema mas leat diamánttat ja helmmot. Dat lea árbejuvvon Ruoŧa Prinseassa Ingeborgas. Prinseassa Ingeborg lea Majestehta Gonagasa áhkku eatni bealde, ja Prinseasa Ingrid Alexandra máttaráhku eadni. Odne eahkes lea sus dát oaivečikŋga gallamállásiin Šloahtas
Prinseassa Ingrid Alexandra. Govven: Ida Bjørvik, Gonagaslaš hoavva
Prinseassa Ingrid Alexandra guoddá Storkors St. Olavs Orden ja Kong Harald Vs Husorden (portreahttanállu) maid oaččui Gonagasas su 18-jagi beaivvi ođđajagimánu 21. beaivvi. Lea vuosttaš geardde go Prinseassa geavaha dáid hearvačiŋaid. Dasa lassin leat sus miniatyra-čiŋat St. Olavs Orden, Gonagasviesu 100-ávvumedáljas, ja vel Majestehta gonagas Harald Vs ávvudemedállja 1991-2016.
Stuorát govva
Stuorát govva
Stuorát govvaJuogat dán artihkkala Twitteris ja Facebookas:
Juogat dán artihkkala Twitteris Juogat dán artihkkala FacebookasÁigeguovdilis áššit
- Stuora illun beassat leat dáppe davvin
Návvuotna lei maŋemus bisánanbáiki Romssas dán jagáš fylkkamátkkis, man oktavuođas maiddái čađahuvvo guossástallan Svalbárddas. Dat lea Gonagasbára vuosttaš virggálaš galledeapmi suohkanis gos kveana, sámi ja norgga kultuvrrat ellet bálddalga.
Miessemánu 17. beaivvi ávvudeapmi
Gonagasbearaš lea badjel 100 jagi juo vuostáiváldán mánáidtogaid Šloahttabalkoŋggas Oslos. Dán árbevieru álggahii Gonagas Haakon 1906:s. Dál lea mánáidtoga ja miessemánu 17. beaivi measta seamma ášši, muhto nu ii leat álo leamaš.