Julegudstjeneste

Forrettande kapellan Jon Petter Heesch tok imot Hans Majestet Kongen og Kronprinsfamilien og førte følgjet inn i det fullsette kapellet ved inngangen til Nordmarka i Oslo.

I preika si tok presten utgangspunkt i første kapittel i Johannesevangeliet. Dei musikalske innslaga stod solist Katharina Frogner Kockum, organist Petter Amundsen og Holmenkollen Kammerkor for.

Kongeparet og Kronprinsfamilien feirar jula på Kongssetra.

Holmenkollen kapell

Dagens kapell i Holmenkollen er oppført i 1996 – etter at det opphavlege kapellet brann ned i 1992.  Det «gamle» kapellet var bygd i 1903 som ei panelt trekyrkje med stolpekonstruksjon. Dagens kapell har korsplan og 200 sitjeplassar.