Historjá
Skábmamánu 25. beaivve 1905 lávkii Gonagas Haakon VII gáddái Norggas. Dát lei álgun Norgga ođđa monarkiijai – áibbas iešheanalaš našuvdna gonagasviesuin mii gulai dušše Norgii.
Harald Hårfagre rehkenastojuvvo leat Norgga vuosttaš gonagassan maŋŋel go čohkkii olu smávit gonagasgottiid oktasaš riikan sullii jagis 890. Muhto vaikko vel Norgga historjá manná guhkás maŋos, de lea riika seammás oalle nuorra iešheanalaš našuvdnan ođđa áiggis. Sivvan dasa lea go Norga gaskal 1380-1905 lei vuollásaš oasálaš Dánmárkku ja Ruoŧa uniovnnain.
Jagis 1905 guđii Norga uniovnna Ruoŧain ja válljii iežas gonagasa, dánskalaš prinssa Carl. Son válddii nama Haakon VII.
