Ohcan oažžut árvomearkka dahje medálja
Ii gávdno gárvves ráhkaduvvon skovvi maid sáhtášii geavahit go galgá árvalit soapmása evttohussan oažžut árvomearkka dahje medálja. Muhto lea sávahahtte ahte evttohusreivves leat dihto dieđut.
Lea buorre jus evttohus sisttisdoallá dieđuid mat dás vuolábealde namuhuvvojit, dakko gokko daidda orro dárbu:
Fásta dieđut
- Dáhton
- Evttoheaddji namma, adreassa ja telefuvdnanummar
- Dan olbmo ássanadreassa, boastaadreassa ja riegádandieđut gean evttoha
- Reivii berre čállojuvvot: ”Unntatt offentlighet, Off. § 5a, Forv.l. § 13”
- Reivve bajilčála berre leat: ”Evttohan ahte Gonagaslaš gudnibálká addojuvvo... (virgenamahus / virgi, namma)
- Reivve vuolláičállá evttoheaddji
Duogáš evttohussii
Čále oanehaččat manne sáddet ohcama. Detáljaid čálat juohke čuoggái. Čuoggáid sáhttá deavdit dađimielde go orro leamen dárbu, dahje daid badjel sáhttá njuiket ja lasihit ieš eará čuoggáid.
Barggu birra
Muital maid dat olmmoš lea bargan, jus lea su bargu mii lea vuođđun evttoheapmái dahje jus das sáhttá lea mearkkašupmi. Čále bargoaddi nama, goassá rájes lea bargan goassá rádjái, ja man ollu jagiid lea oktiibuot bargan.
Čále maid vejolaš kommentáraid su bargui ja makkár bargguid son lea doaimmahan. Gease ovdan dan mii lea dehálaš ja mii lea ohcci positiiva ja earenoamáš ánssolaš doaibma. Jus sus leat máŋga bargoaddi, de sii čállojuvvojit maŋŋálaga nu ahte lea álki oaidnit.
Doaimmat
Čálle čuoggáid mielde daid orgánaid namaid gos dán olbmos leamaš luohttevašdoaimmat dahje sullasaš ánssolaš doaimmaid ovdamearkkadihte ná:
- x suohkan, suohkanstivrra lahttu goassá rájes – goassá rádjái
- y suohkan, luohttevašdoaibma goassá rájes – goassá rádjái
Čále kommentáraid su bargguide ja deattut dan maid lea olahan juohke čuoggás. Gease ovdan evttohasa buori ja earenoamáš ánssolaš bargguid.
Barggut eaktodáhtolaš organisašuvnnain
Čále čuoggáid mielde makkár organisašuvnnain, joavkkuin dahje servviin evttohasas leat leamaš luohttevašdoaimmat ja sullasaččat sullii ná:
- x searvi, doaibma goassá rájes – goassá rádjái
- y joavku, doaibma, goassá rájes – goassá rádjái
Čále kommentáraid su bargguide ja deattut dan maid lea olahan juohke čuoggás. Gease ovdan evttohasa buori ja earenoamáš ánssolaš bargguid
Gudnijahttimat
Čále makkár eará gudnijahttimiid, mearkkašumiid dahje bálkášumiid evttohas lea ovdal ožžon.
Ohcamuša čilgen
Čilge iežas vuođđudeami oanehaččat. Dát galgá leat dakkár čilgehus maid evttoheaddji sávvá galgá boahti albmosii.
Addin
Čále goas bálkášumi heivešii addit. Fertet rehkenastit ahte manná 3-4 mánu ohcamušaid meannudeapmái mat gusket medáljaide ja 6 – 12 mánu meannudit árvomearkkaid.
Mildosat
Mildosat mat berrejit čuovvut evttohusa:
- Evttohasa CV
- Bargolistu/listu mii čájeha maid lea doaimmahan
- Cealkámušat/ávžžuhusat lagamuččain
- Cealkámušat/ávžžuhusat organisašuvnnain, joavkkuin dahje servviin
- Cealkámušat/ávžžuhusat eará guoskivaš olbmuin
Gosa evttohusa galgá sáddet?
Gudniánssu ohcamušat galget sáddejuvvot iešguđet báikkiide:
- Reive mas evttoha geasa Gonagasa ánsomedálja berre addit, čállojuvvo deike:
H.M. Kongen ved Ordenskanselliet, Det kongelige Slott, 0010 Oslo, muhto:
Reive evttohusain galgá sáddejuvvot dan fylkka Fylkamánnii gos son ássa geasa evttohat gudniánssu.
Fylkamánne áššeemeannuda ohcamuša ja sádde dan viidáseappot Árvomearkakanselliai iežas ávžžuhusain. - Ohcamuš oažžut St. Olav Ánsoárvomearkka, čállojuvvo deike: H. M. Kongen ja sáddejuvvo juogo deike: Dan olbmo fylkka Fylkamánnii geasa ánsu evttohuvvo.
- Ohcamuš oažžut Ánsoárvomearkka, čállojuvvo deike: H.M.Kongen, ja sáddejuvvo deike: Den kongelige norske Fortjenstordens kanselli, mas lea kantuvra Olgoritdepartemeanttas. Čuovo njuola dás olgešbealde gos gávnnat eanet dieđuid.
- Ohcamuš oažžut St. Olavsmedálja, čállojuvvo deike: H.M. Kongen ja sáddejuvvo juogo St. Olavs Ordens kanselli ved Det kongelige hoff dahje deike: Fortjenstordens kanselli, mas lea kantuvra Olgoritdepartemeanttas. Čuovo njuola dás olgešbealde gos gávnnat eanet dieđuid.
