Australia 2015

Ollu olbmot ledje boahtán dearvvahit buresboahtima Gonagassii ja Dronnegii go soai olliiga Canberrai, dan hotellii mas galggaiga orrut, eahkeda ovdal go stáhtaguossástallan álggii. Govva: Lise Åserud, NTB scanpix.

Else Glomm-White (7) ja Magnus Aarhaug Dafter (6) attiiga liđiid Gonagas Haraldii ja Dronnet Sonjai go soai bođiiga. Govva: Lise Åserud / NTB scanpix

"KoriAustralia" lávllui Grieg "Våren" nuohta Gonagasbárrii. Govva: Lise Åserud / NTB scanpix

Gonagasbárra dearvvahii soahteveterána Olav Ottesen go olliiga Canberrai. Govva: Lise Åserud / NTB scanpix

Vuosttaš oassi stáhtaguossástallamis Australias lei go Gonagasbárra finai našuvnnalaš soahtemonumeantta luhtte. Govva: Lise Åserud, NTB scanpix

Australia soađis gahččan soalddáhiid namat leat čállojuvvon bronssain the Roll of Honour seaidnái. Gonagas Harald bidjá valmue Warrant Officer George Gregory Allman nama báldii. Govva: David Gray, Reuters / NTB scanpix

Warrant Officer George Gregory Allman gahčai soahtegirdinmátkkis Norggas 1945:s, go galggai geahččalit luoitit biergasiid Norgga vuostálastinveagaide. Govva: David Gray, Reuters / NTB scanpix

The Pool of Reflection luhtte, mii lea okta Australia soahtemuitomearkkain. Govva: David Gray, Reuters / NTB scanpix

Almmolaš buresboahtinseremoniija lei olggobealde Government House Canberras. Gonagas Harald ja Generálaguvernøra Peter John Cosgrove guldaleaba našunálalávlagiid. Govva: David Gray, Reuters / NTB scanpix

Gonagas Harald inspisere gudnisoalddáhiid, dat lei oassin buresboahtinseremoniijas. Govva: David Gray, Reuters / NTB scanpix

Australia generálaguvernøra Peter John Cosgrove ja Lady Cosgrove leaba Gonagasbára guossoheaddjit stáhtaguossástallama oktavuođas. Govva: David Gray, Reuters / NTB scanpix

Gonagasbárra ja stáhtaráđit Tord Lien ja Børge Brende čoahkkimis Generálaguvernørain Peter Cosgrove ja Lady, Cosgrove Government House. Govva: Lise Åserud / NTB scanpix

Generálaguvernøra ja Lady Cosgrove bovdiiga Gonagasbára unna Kengurosafarii párkkas mii lea Government House birra. Govva: David Gray, Reuters / NTB scanpix

Generálaguvernøra ja Lady Cosgrove bovdiiga Gonagasbára unna Kengurosafarii párkkas mii lea Government House birra. Govva: David Gray, Reuters / NTB scanpix

Kengurot Government House párkkas čuvvot stáhtaguossástallama. Govva: Lise Åserud / NTB scanpix

Stáhtaministtar Tony Abbott vuostáiválddii Gonagasbára, Parliament House Canberra. Govva: Lise Åserud / NTB scanpix

Gonagasbárra deaivvada preassain Canberras. Lassin stáhtaguossástallama gažaldagaide, logai Gonagas ahte su mielas manná nu bures Čuoigan -Máilmmigilvvuin – muhto daid ii leat nu álki čuovvut Australias... Govva: Lise Åserud / NTB scanpix

Nuppi beaivvi stáhtaguossástallamis álggahedje sii Australia National Maritime Museas, doppe rabai Gonagas Harald seminára Antárktisa birra. Govva: Lise Åserud, NTB scanpix

Lei maid vejolaš beassat oaidnit musea dávviriid, gos earet eará borjjasfanas Kathleen Gillett lea čájáhusas, mii lei Norgga skeaŋka Australia 200-jagi ávvudeapmái. Govva: Lise Åserud, NTB scanpix

Gonagasbárra beasai oaidnit Sydney beakkán hámmana Boomerang fatnasa deahka alde. Govva: Lise Åserud, NTB scanpix

Sihke Sydney Harbour Bridge ja Sydneya beakkán operavisti leat oaidnámuššan hámmanis. Govva: Lise Åserud, NTB scanpix

Dronnet Sonja boahtá Royal Sydney Yacht Squadron, gos lea "Norga Australias" vuostáiváldin. Dáppe beasai Gonagasbárra deaivvadit norgalaččaiguin geat ásset Sydneyas. Govva: Lise Åserud / NTB scanpix

Royal Sydney Yacht Squadron luhtte dearvvaheigga Sivert Risnes ja Sofia de Fleur. Govva: Lise Åserud / NTB scanpix

Gonagas ja Dronnet deaivvadeigga preassain maŋŋá vuostáiváldima Yachtklubbas. Govva: Lise Åserud, NTB scanpix

Maiddái stáhtaguossástallama goalmmát beaivi lei Sydneyas. Govva: Lise Åserud, NTB scanpix

Iđđesbeaivvi beasai Gonagasbárra deaivvadit Australia álgoálbmogiid ovddasteddjiiguin, dat dilálašvuohta lei National Centre for Indigenous Excellence, NCIE. Govva: Lise Åserud, NTB scanpix

Gonagasbárra beasai earet eará gullat veaháš dan birra makkár dilli álgoálbmogiin lea guđet ásset Sydneyas. Govva: Lise Åserud, NTB scanpix

Gonagasbárra beasai maid návddašit árbevirolaš dánssa go leigga NCIE guossis. Govva: Lise Åserud, NTB scanpix

Gonagasbárra finai Government Housas Sydneyas, almmolaš lunššas New South Wales guvernøra luhtte. Govva: Lise Åserud, NTB scanpix

Gonagas Harald finai Australia mariinna hárjehallanguovddážis, HMAS Watson. Govva: Lise Åserud, NTB scanpix

Gonagas Harald beasai oaidnit movt simulatuvra doaibmá, maid Kongsberg lea ráhkadan. Govva: Lise Åserud, NTB scanpix

Simulatuvra čájehii Gonagasskiipa, mii lei Sydney Harbouras. Govva: Lise Åserud, NTB scanpix

Dronnet ollemin Museum of Contemporary Art Sydneyas. Govva: Lise Åserud, NTB scanpix

Dronnet presentere "Inspirational encounters" – čájehus mas leat su iežas govat - Museum of Contemporary Art i Sydney. Govva: Lise Åserud, NTB scanpix

Gonagasbárra ovddabealde operavistti Sydneyas maŋŋá vuostáiváldindilálašvuođa, mii lei Museum of Contemporary Art. Govva: Lise Åserud, NTB scanpix

Gonagas Harald ja Dronnet Sonja loahpaheaba ovddolaš stáhtaguossástallama Perth gávpogis Australias oarjerittus. Foto: Lise Åserud, NTB scanpix.

Gonagas ja Dronnet beasaiga gullat veaháš Norgga-Australia dutkanovttasbarggu birra Wilhelmsens guorbmefievrredanskiippas MV Tugela. Govva: Lise Åserud, NTB scanpix

Gonagasbárra finai Government Housas Perthas, almmolaš lunššas Western Australia guvernøra luhtte. Govva: Lise Åserud, NTB scanpix

Ovdal go stáhtaguossástallan loahpahuvvui, de beasai Gonagasbárra vel deaivvadit norgalaš mánáiguin geat ásset Perth gávpogis.

Ovdal go stáhtaguossástallan loahpahuvvui, de beasai Gonagasbárra vel deaivvadit norgalaš mánáiguin geat ásset Perth gávpogis.

Ovdal go stáhtaguossástallan loahpahuvvui, de beasai Gonagasbárra vel deaivvadit norgalaš mánáiguin geat ásset Perth gávpogis.