Hopp til hovedinnhold

Dronnet Sonja skuvlabálkkašupmi

Dronnet Sonjas skuvlabálkkašupmi galgá juohke jagi addojuvvot skuvlii mii lea mearkkašanveara láhkái čájehan ja čađahan dásseárvvu ja searvadahttima.

Deattuhuvvo ahte mánát ja nuorat galget dovdat fágalaš, sosiálalaš ja kultuvrralaš searvevuođa skuvllas. Buohkat galget dovdat iežaset dohkálaš servvoštallin skuvlasearvevuođas. Seammás galgá ohppiide sihkkarastit ollislaš ja seammaárvosaš oahpahusa mas vuhtiiváldá ahte oahppit leat iešguđetláganat.

Eavttut maid vuođul bálkkašupmi addojuvvo

Skuvla bargá čuovvovaš lági mielde dásseárvvuin ja searvadahttimiin:

  • Skuvla bargá ohppiid oahpahusbirrasiin systemáhtalaččat ja máhtolašvuođa vuođul, guhkit áiggi vuollái
  • Skuvla čađaha beaivválaš dilis dásseárvvu ja searvadahttima nu ahte juohke oahppi dovdá iežas árvvusadnojuvvon birrasis gos beassá leat mielde, ja gos dovdá oadjebeasvuođa ja searvevuođa.
  • Skuvlla dovdomearka lea buorre oktavuohta gaskal ohppiid ja bargiid, ja ohppiid gaskka – ja ahte skuvllas lea buorre ovttasbargu ruovttuin.

Vuoitit

Dronnet Sonja Skuvlabálkkašupmi ásahuvvui 2006:s. Dan rájes leat čuovvovaš skuvllat ožžon bálkkašumi:

  • 2018: Apalløkka skole, Oslo
  • 2017: Firda vidaregåande skule, Sogn og Fjordane
  • 2016: Ila skole, Sør-Trøndelag
  • 2015: Gjøvik videregående skole, Oppland
  • 2014: Thor Heyerdahl videregående skole, Vestfold
  • 2013: Porsgrunn videregående skole, Telemark
  • 2012: Fagerlund skole, Hedmark
  • 2011: Malakoff skole, Østfold
  • 2010: Kaupanger skole, Sogn og Fjordane
  • 2009: Flåtestad skole, Akershus
  • 2008: Løkenåsen skole, Akershus
  • 2007: Apeltun skole, Hordaland
  • 2006: Aspervika skole, Rogaland

Bálkkašupmi

Bálkkašupmi lea diploma ja 250.000 ruvdno ruhtabálkkašupmi ja govva man namma lea "Vekst", maid Majestehta ieš lea ráhkadan. Dronnet juohká ieš dán bálkkašumi dan skuvllas mii oažžu bálkkašumi.

Lea oahpahusdirektoráhtta mii hálddaša bálkkašumi, ja Fylkamánne evttoha iežas guovllus skuvllaid.

 

 

03.10.2018

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas
Dronnet Sonja 2012 skuvlabálkkašumi oaččui Fagerlund mánáidskuvla Ringsaker suohkanis.