Sivdnádallanmátki 1958
Lea ollu mii sulastahttá Gonagas Haakona 1906 ruvdnenmátkki sivdnádallanmátkkiin mii lei 52 jagi maŋŋá. Mátkkiin lei seamma mihttomearri: Symbolala dahku Nidarosdomenis – ja dat ahte beassat deaivvadit norgga álbmogiin mátkki vuolde sihke siseatnamis ja mearragáttiin Stiftsstadenii mátkkotettiin ja go doppe fas vulge.
Gonagas Olava vuostta stuora Norggamátkki vuolggabáiki lei Skaugumis diibmu 08:45 geassemánu 16. beaivvi 1958. Gonagasas lei generáluniforbma badjelis, ja son čohkkái rabas biillas, ja su fárus lei Prinseassa Astrid, guhte galggai su čuovvut mátkki vuolde.
Vuostta bisánanbáiki lei Eidsvoll, muhto sii eai lean joavdan guhkkeliidda go Sinsenii davábealde Oslo go biilla olgebeale maŋŋejuvla suođai. - Movt son dál ges go prográmma maŋŋona juo ovdal go leat gávpogis ge beassan olggos , muitalii Gonagas Olav maŋŋá. Ja sáhtii gal leat ágga jierásnuvvat, go mátkeprográmmii Troandimii ja doppe fas ruovttoluotta ledje bidjan nu ollu doaimmaid ahte áigemeriid fertii hui dárkilit čuovvut.
Das maŋás aŋkke manai buot plána mielde, sii bisánedje Hamaris ja Lillehammeris ja de dollejedje viidáseappot Gudbrandsdalena mielde. Ollugat ledje boahtán seavvit Gonagassii leavggaiguin ja liđiiguin ja ieguđetlágan lágidemiiguin. Muhto lei heajos dálki, ja Gonagas oaččui nuorvvu Mjøsagátti arvedálkkis. Lei buorre go mis lei mielde liige biila, de sáhtiimet vuodjit rabas biillain čáppa dálkin ja lonuhit giddejuvvon billii go attai heajos dálki. Mun fertejin geahččalit bissut dearvvain. In sáhttán álggahit ávvudoaluid nu ahte fertejin seŋgii náđđut dakkaviđe, muitalii Gonagas Olav gonagasbiográfa čállái Jo Benkowii ollu jagiid maŋŋá.
Geassemánu 19. beaivvi joavddai Gonagas Troandimii, ja doppe son galggai orrut Stiftsgårdenis. Doppe ledje ollu doaimmat, ja iealddis sivdnádallanseremoniija, mii galggai leat Nidarosdomenis sotnabeaivvi geassemánu 22. beaivvi, lei doaluid alimus boddu.
Gonagasskiipa Norge
Seammás go Gonagas mátkkotii biillageainnu mielde Nidarossii, de borjjastii Gonagasskiipa njuolga Troandimii. Norge guđii Oslo geassemánu 16. beaivvi, ja fanas lei ođđa hoavdda, kommandørkapteainna Wilhelm Oscar Thoresen kommando vuolde. Go Gonagas Olav manai skiipii geassemánu 23. beaivvi, de lei 10 jagi rájes dan rájes Gonagas Haakon lei oon Gonagasskiippa skeaŋkan norgga álbmogis.
K/S Norge lei álbmotskeaŋka Gonagas Haakonii su 75-jagi beaivái, ja lei maid gudnin dan bargui maid son lei bargan 2. máilmmisoađi vuolde. Gonagas Haakona ja Dronnet Mauda 1906 ruvdnenmátkkis ii lean ge sudnos ieaska fanas mainna borjjasteigga. Ledje váldán atnui dámpaskiippa Mira gonagasbára mátkái Troandimis Kristianiai.
Muhto geassemánu 1958 gal lei Norge juo vuordimen Ravnkloas, dan botta Gonagas Olav sivdnádallojuvvui ieas bargui nugo Norgga gonagas.
Mátki lulás
Geassemánu 23. beaivvi, beaivvi maŋŋá sivdnádallama, manai Gonagas Olav tráhppa mielde gonagasskiipii. K/S Norge gesii gonagasleavgga bajás ja siiggai vuonas olggos Munkholmen bokte, ja de jotkkii sivdnádallanmátkki riddogátti gitta Osloi. Jager Trondheim báii gonagassaluhta ja guhttanuppelohkái jagergirdi deamaidedje hámmánguovllu badjel.
Vuostta bisánanbáiki lei Kristiansund. Dan maŋŋil sii bisánedje Moldes ja Ålesunddas. Juohke báikkis bohte juohkelágan fatnasat; sihke stuora guolástanfatnasat ja smávva suhkanfatnasat, dearvvahit Gonagasskiippa. Fatnasat ledje čiŋahuvvon soahkelastaovssiiguin ja norgga leavggaiguin, ja olbmot fatnasiin dearvvahedje Gonagasa čuorvumiin ja skiipanjurggonasaiguin.
Juohke báikkis gosa skiipa bisánii mátkkotettiin lulás Oslovutnii, ledje ráhkadan stuora prográmma. Dat lei dávjá njozet vuodjin váldogáhta mielde girkui dahje gávppaanbáikái, ja dan maŋŋá lunsj dahje mállásat, sátnejođiheaddji dahje fylkasátnejođiheaddji sárdni ja Gonagasa vástádussárdni.
Okta dain ollu suohtas bisánemiin lei Bergenis, skiipa joavddai dohko hámmánii geassemánu 26. beaivvi, kanonsaluhtaide, čáppa beaivvádahkan ja albma álbmotfestii. Ja go Gonagasskiipa borjjastii vuonas olggos eahketbeallái ja válddii earu Bergeniin, de čuvge čuovgabáanat ja dollaspáiddárat mat čuvge gávpoga čiea váriin.
Gaskavahku suoidnemánu 2. beaivvi, gonagasa 55 jagi beaivvi, áŋkorasttii Norge Oslo hámmánii ja Gonagas manai gáddái Honnørbruggas.