Skottlándda skeaŋka

 Dat guokte ovcce-gieđat silbaginttaljuolggi, mat leat goasii mehtar allosaččat, leat ráhkaduvvon juo 1881:s Londonis Stephen Smith & Co fitnodagas. Go daidda lassin vel bohte jardinierat lieđđelihtiid ja deadjaservise mat ráhkaduvvojedje Hamilton & Inches fitnodagas Edinburghas ruvdnenjagi, de dat dahke ollisvuođa.

Kandelaberiin leat oasit maidda leat hervejuvvon pastorála, allegorihtalaš scenat, ja ovdal go dat addojuvvo skeaŋkan, de daidda hervejuvvo vel norgga ja skottlándda vearjogalbbat. Gonagasvearjjuid hervemat heivejedje lieđđelihtiid ja deadjaservise hearvvaide. Dál adnojuvvojit jardinierat champagne ja viinni galmmiheapmái vuostáiváldimiin ja gállamállasiin Gonagaslaš šloahtas.

Deadjaservise

Deadjaservisii gullá deadjagievdni, čáhcegievdni, lákcamugge, stender, sprihtalámpa ja breahtta. Breahtas, kandelaberiin ja silbaplakeahtas ja jardinieraid muorraoassái lea čállojuvvon:

"To Her Majesty Maud Charlotte Mary Victoria, Queen of Norway. From the Scottish People, 22nd June 1906."

Kandelaberiin ja deadjaservises lea girlanderornamentihkka, muhto kandelaberiin vuhtto ahte dat lea ráhkaduvvon veaháš árat áiggis go duot eará dávvirat.

Eanet skeaŋkkat

Gonagas Haakon VII oaččui silbasigarskriinna skottlándda álbmogis ja namuhuvvo Morgenbladet aviissas geassemánnu 25.beaivvi 1906 ahte Dronnet Maud oaččui "halsbaand av de skotske edelstene aquamarin". Skottlándalaččat ledje hui árvasat.