Warwicklihtit

Dát gollehuvvon lihtti lea okta njealji seammalágan lihtiin maid adde skeaŋkan Dronnet Maudii ruvdnema oktavuođas 1906:s ja nugo fievrredanbumbbá čállagiiin daddjo ge, de dat lea skeaŋka man addi lea ”her Father’s Subjects in her Native Country”. Ovttas dáid lihtiiguin adde maid guokte kandelabera, borranneavvuid, dállearkkaid, sáltelihtiid ja breahta. Buot dát skeaŋkkat ovttas gohčoduvvojit ”eŋgelas servise” ja das leat eanet go 500 oasi. Buot diŋggat leat silbbas, muhtumat leat gellehuvvon, ja buot diŋggat leat merkejuvvon Dronnet Maud stargadis, njuolggo ruvdnomonográmmain.

Lihtti lea hábmejuvvon "Warwickvasa" vuođul, mii lea romalaš lihtti sullii 200 jagi maŋŋil Kr. áiggis. Cuovkanan originála gávdnui 1770:s Pantanello, Hadrians Villa, Tivolias. Dan mielde ráhkadedje ođđa seammalágan lihti stuora dárkilvuođain. 1800-logu mielde ráhkadedje ollu lihtiid ođđasis Warwickvasa klassihkalaš hámi mielde, maid earet eará geavahedje champagnegalmmihanlihttin, terriidnan ja lieđđelihttin.

Šloahta urnat leat 1812-13 logus ja dain lea vearjogalba masa lea čállojuvvon čuovvovaš dovdomearka: "HONI SOIT QUI MAL Y PENSE" ("heahpat sutnje gii dan birra jurddaša hejot"). Dát teaksta lea briittalaš gonagasvearjju banneris ja lea the Most Noble Order of the Garter motto, mii lea alimis briittalaš árvomearka. Urnat ledje ovdal gullan jápmán Cambridge hertugii, Gonagas Edward VII vilbeallái, dalle go ostojuvvo Dronnet Maudii ruvdnenjagi.

Urnat ráhkaduvvojedje champagnegalmmihanlihttin, muhto geavahuvvojit dál lieđđelihttin gonagaslaš feastabevddiin.

Dáiddár

Dán gollehuvvon lihti lea hábmen eŋgelas silbarávdi Paul Storr (1771–1844). Son lei hui beakkán su áiggis ja duddjui oalle máŋggalágán diŋggaid, deadjabasttiid rájes gitta statueahtaide ja girkosilbbaide.
 

Materiála
Gellehuvvon silba

Teknihkka
Leiken

Mihttu
Allodat 24 cm.

Inventarnummar
DKS.007320