Guoddevaš ábit
Áhpi lei Gonagasbára prográmma váldoáššin Shanghaias odne. Kina ja Norga leat njunuš maritiibma našuvnnat, ja nanu guoddevaš ovdáneapmi lea dehálaš goappešat riikkaide.
Golggotmánu 18. beaivi 2018
Skiipajohtolat ja shipping lei vuolggabáikin norgalaččaid bisáneapmái Shanghaias, ja dat leamaš dehálaš juo badjel 150 jagi. Dál lea dien guovllus birrasii 2/3 oassi norgalaš doaimmain čadnon maritiibma doaimmaide ja áhpesuorgái.
Majestehtaguovttos Gonagas ja Dronnet álggaheigga beaivvi prográmma konferánssas «Kina ja Norga – olles ábi dievva vejolašvuođat».
Ábi dievva vejolašvuođat
Birrasii 300 oasseváldi ledje čoahkkanan konferánsii Shanghaia stuorámus cruiseterminála lahka. Oasseváldin ledje eiseválddiid, ealáhusaid ja dutkansuorggi ovddasteaddjit.
Gonagas Harald doalai rahpansártni mas son deattuhii man máilmmi ollu vejolašvuođat ábis leat, ekonomalaš ovdáneapmái ja ovddideapmái miehtá máilmmi. Muhto seammás deattuhii Gonagas maid dan ahte lea áhperiggodagaid ferte máhttit geavahit dan mielde maid áhpi gierdá ja ásahit doaimmaid mat eastadit nuoskkideami .
“The fragility of our oceans has become an increasing concern. If the oceans are to secure our future as they have provided for us in the past, we must stop treating them as a dumping ground.
– "We must work together at the global level to ensure sustainable use of the oceans. We must coordinate our efforts, and combine Norwegian and Chinese expertise, technology, ingenuity and resourcefulness".
"We must work together at the global level to ensure sustainable use of the oceans. We must coordinate our efforts, and combine Norwegian and Chinese expertise, technology, ingenuity and resourcefulness."
Norgga fitnodagain ja dutkanbirrasiin leat buorit vejolašvuođat searvat dađistaga lassáneaddji márkanii mii buvttada nanu guoddevaš gálvvuid ja ruoná áhpeteknologiija. Oktanuppelohkái fitnodaga vuolláičálle ođđa šiehtadusaid dán konferánssas.
Norga luossa
Norgga mearrabiebmofitnodat Marine Harvest lei okta fitnodagain mii čalmmustahtii iežas odne. Sis lea váldikantuvra Bergenis ja fitnodagas barget badjel 13 000 bargi 24 riikkas. Odne sii rahpe ođđa guolleráhkadanfabrihka Shanghaias.
Gonagasbárra lei almmolaš rahpamis fárus, kiinnálaš gávpeolbmá Jack Ma mielde. Dát ođđa fabrihkka bidjá Norgga luosa juste guovdu stuora Shanghaia dađistaga lassáneaddji biebmomárkana, ja Marine Harvest lea ráhkadan šiehtadusa Jack Mas fitnodagain Alibaba, mii guoská guoli fievrredeapmái kiinnálaččaide.
Alit álggaheaddjit
Jack Ma lea dieđihan ahte son áigu geahpedit ollu iežas ealáhusdoaimmain, ja baicca geavahišgoahtit eanet áiggi veahkkebargguide ja beroštupmái mii sus lea bargat ON nanu guoddevaš ulbmiliiguin. Alit álggaheaddjit / the Blue Pioneers lea okta prošeavttain mainna son áŋgiruššá, ja Gonagas Harald ja Dronnet Sonja beasaiga deaivvadit muhtun dieid álggaheddjiiguin odne.
The Blue Pioneers fállá oahpu kiinnálaččaide geat hálidit bargat áhpái gullevaš gažaldagaiguin, juogo entreprenevran ja/dahje birasgáhttejeaddjin. Ulbmil lea addit sidjiide vuođu vai buorebut nákcejit ásahit doaimmaid ja organisašuvnnaid mat sáhttet váikkuhit oažžut alit ja nanu guoddevaš ekonomiija.
Ábi smáhkka
Odne eahkes, báikkálaš áiggi mielde, čoahkkanit ollugat otná konferánssa oassálastiin mearaborramušaid návddašit. Ealáhusministtar Torbjørn Røe Isaksen lei Ábi smáhkka / Tasting the Ocean borramušaid guossoheaddji.
Gonagas ja Dronnet searvaba maid boradeapmái ovttas Norgga delegašuvnnain. Norgga ja kiinnálaš guossit besse máistet iešguđetlágan borramušaid maid Norgga goahkat leat ráhkadan, ja borramušaid lágideami lea Innovasjon Norge ja Norgga mearrabiebmoráđđi/Norges sjømatråd organiseren.
Kina 2018
Majestehtaguovttos Gonagas ja Dronnet leigga stáhtaguossástallamis Kinas golggotmánu 11.- 19. beivviid, stuorámus norgga delegašuvnna njunušin mii goassege leamaš. Dás sáhtát govaiguin čuovvut dien mátkki.
Čájeha 8 oktiibuot 79