Norgga prinseassa

Gonagaslaš Allavuohta Prinseassa Ingrid Alexandra lea nubbin árbenráiddus, áhčis Ruvdnaprinssa maŋis. Prinseassa lea dál lohkame servodatfága Australias, muhto čađaha maiddái muhtin virggálaš doaimmaid Gonagasviesu ovddas.

Prinseassa Ingrid Alexandra. Govva: Ida Bjørvik, Gonagaslaš hoavva

Ođđajagimánu 21. beaivvi 2022:s olahii Prinseassa Ingrid Alexandra válddálašvuođaagi ja dan oktavuođas oaččui Prinseassa iežas kantuvrra Gonagaslaš šloahtas. Lagamus jagiid lea dattege su deháleamos bargun ain vuoruhit oahpu, ja čakčat 2025 álggii son servodatdiehtagiid studeret Sydney universitehtas.

Almmolaš doaimmat

Prinseassa Ingrid Alexandra lea váldán badjelasas olu almmolaš doaimmaid ja joatká dákkár doaimmaigun nu guhká go heive su oahpu ektui.

Cuoŋománus 2025 oassálasttii Prinseassa vuosttaš geardde virggálaš prográmmas stáhtagalledeami oktavuođas. Lei Islándda presideantagbára galledeapmi Norggas.

Cuoŋománus 2025 oassálastii Prinseassa Ingrid Alexandra virggálaš prográmmas stáhtagalledeami oktavuođas. Lei Islándda presideantabárra geat finaiga Norggas. Govven:Ola Vatn, Gonagaslaš hoavva

I desember 2025 var Kronprinsen og Prinsessen med på brislingtokt med forskningsskipet som bærer Prinsessens navn. Govven: Heiko Junge / NTB

Prinsessen var med og representerte Norge da det franske presidentparet avla offisielt besøk i juni 2025. Foto: Stian Lysberg Solum / NTB

Vuosttaš doaimmat

Prinseassa Ingrid Alexandra berošta birasgáhttemis ja dálkkádagas, ja juste dát ledje ge fáddán Prinseassa vuosttaš almmolaš doaimmas, earret miessemánu 17.beaivvi ja Holmenkollen čuoiganfestivála: Ovttas Ruvdnaprinseassain dearvvahii son Birasageantaparáda (Miljøagentparade) Šloahttašiljus, Máilmmi birasbeaivvi oktavuođas jagis 2009.

Vuosttaš iešheanalaš doaibma

Jagis 2015 lei Prinseassas vuosttaš iešheanalaš doaibma go gásttašii Gádjunsearvvi ođđa fatnasa "Elias". Jagis 2016 son cahkkehii dola nuoraid olympiagilvvuid rahpanseremoniijas Lillehammeris 13 000 olbmo ovddas, ja skábmamánus 2018gásttašii son Norgga ođđa dutkanfatnasa, FF Kronprins Haakon.

Čuovvola árbevieruid

Gonagasbearraša árbevierru dearvvahit mánáidtoga Šloahttabalkoŋggas álggahuvvui juo jagis 1906. Prinseassa Ingrid Alexandra lea viđat buolva balkoŋggas ja lei doppe juo iežas vuosttaš miessemánu 17.beaivvi-ávvudeamis.

Ruvdnaprinseassa ja Prinseassa Ingrid Alexandra váldiiba vuostá Birasageantaparáda Šloahttašiljus 2009:s. Govven: Lise Åserud, NTB

Prinseassa Ingrid Alexandra gásttašii gádjunfatnasa "Elias" miessemánu 4. beaivve 2015. Govven: Terje Pedersen, NTB

Prinseassa cahkkehii dola nuoraid olympiagilvvuid rahpamis Lillehammeris jagis 2016. Govven: Geir Olsen / NTB

Prinseassa Ingrid Alexandra gásttaša dutkanfatnasa «Kronprins Haakon» jagis 2018. Govven: Rune Kongsro/Gonagaslaš hoavva

Juohke jagi leat Skaugum Arenas šiljočiekčan-meašttirgilvvut – dá jagis 2019. Govven: Lise Åserud, NTB

Militearabálvalus

2024 čavčča álggahii Prinseassa Ingrid Alexandra vuosttasgearddebálvalusa Brigade Nord Inšenevrabataljovnnas. Menig Alexandra bálvalii Skjold leairras Siskkit- Tromssas gos lei inšenevrasoalddát ja lei bálvalussajádat báhččin CV90 STING-vovnnas. Prinseassa luobai bálvalusas cuoŋománu 4.beaivve 2025.

Menig Alexandra lei inšenevrasoalddát Skjold leairras. Ovttas kompaniijain bálvalii son oktiibuot 15 mánu. Govven: Simen Sund, Gonagaslaš hoavva.

Sierra skulptuvrapárka

2016 geasi rahppojuvvui Prinseassa Ingrid Alexandra Skulptuvrapárka Šloahttapárkkas. Doppe leat mánáid skulptuvrrat – maid mánát ieža leat ráhkadan. Juohke jagi gitta 2019 rádjái leat skulptuvrrat lassánan dohko, ja Prinseassa lea ieš leamaš mielde válljeme evttohusain maid skuvlamánát miehtá riikka leat sádden.

Prinseassa Ingrid Alexandra lei ieš ofelažžan skulptuvrapárkkas go Gonagaslaš Allavuođat Prinsa William ja Hertuginna Kate galledeigga Norgga 2018:s.