Stuorradikki rahpan
Majestehta Gonagas doaimmaha Stuoradikki allaárvosaš rahpama juohke čavčča golggotmánus. Dát lea okta Gonagasa deháleamos vuođđoláhkageatnegasvuođain ja okta dain eanemus allaárvosaš seremoniijain mis Norggas.
Seremoniija čuovvu fásta čađahanprosedyraid mat leat mearriduvvon vuođđolágas. Sihke Gonagasviessu, ja ráđđehusa, Stuorradikki ja Alimusrievtti ovddasteaddjit čuvvot doaluid.
Maŋŋel go Stuorradiggepresideanta lea cealkán Stuorradikki lágalaččat ja lobálaččat konstituerejuvvon, de boahtá Gonagas, ja dávjá leaba Majestehta Dronnet ja Gonagaslaš Allavuohta Ruvdnaprinsa su mielde. Deputašuvdna mas leat mielde čieža stuorradiggeáirasa, váldá sin vuostá Løvebakkenis, ja čuovvu Gonagasa joavkku nu guhká go sii leat Stuorradikkis.
Truvdnasárdni
Truvdnasárdni čalmmustahttá Stuorradikki ođđa sešuvnna rahpama, ja govvida ráđđehusa politihka váldolinjjáid boahttevaš jahkái. Stáhtaministtar geige Truvdnasártni Gonagassii, man son dasto lohká Stuorradikki ovddasteddjiide. Leat Ráđđehusa ovddasteaddjit geat čállet Truvdnasártni.
Riikka dilálašvuohta
Maŋŋel Truvdnasártni čuovvu riikka dilálašvuođa sáhkavuorru. Dán sártni doallá ráđđehuslattu ja das boahtá ovdan maid ráđđehus lea olahan maŋemus jagi. Árbevirolaččat lea nuoramus ráđđehuslahttu gii doallá sártni riikka dilálašvuđa birra. Truvdnasárdni lea čállojuvvon girjegilllii, ja sárdni riikka dilálašvuođa birra lea ges ođđadárogillii.
Vuođđoláhka mearrida seremoniija
"Dakkaviđe go Stuorradiggi lea konstituerejuvvon, de galgá Gonagas dahje son gean son nammada, álggahit šiehtadallamiid sártniin mas son muitala riikka dili birra ja áššiid birra maidda son erenoamážit háliida bidjat Stuorradikki fuomášumi. Ii makkárge ráđđádallan galgga dáhpáhuvvat Gonagasa ovddas."
Maŋŋel sártniid guođđá Gonagas ja su joavku Stuorradikki – go ii oaččo ráđđádallatgo Gonagas lea das.