Njuike sisdollui

Gonagas Harald eretvádjoleami geažil gártet dán neahttasiiddus leat soames boasttuvuođat muhtun áigge ovddosguvlui.

Boradansále Oscarshallas

Boradansále Oscarshallas lea sierra visttis, muhto lea gitta váldovisttis. Lanja seainnit leat hervejuvvon Joachim Frich ja Adolph Tidemand intergererejuvvon njuohtamiiguin.

Oscarshálla boradansála. Govven: Anette Karlsen / NTB

Lanjas leat olu čáppa detáljat, earret eará ivdnejuvvon láset, fiellut mat leat hervejuvvon, eaikapilastrestoalpput main geažis leat njuvččahámát konsollat mat dego guddet gáhttobielkkaid doarrásis.

Muhto ii leat dát čiŋaheapmi, muhto baicce njuohtamat, mat geasuhit olbmo beroštumi: Arkiteakta Nebelonga ovttasbargu dáiddáriiguin Joachim Frich ja Adolph Tidemandain Oscarshall borramušsále čiŋaheamis lea dovddus. Nebelong hábmii lanja nu ahte njuohtamat bohte erenoamážit oidnosii, seammás go ledje dego oassin ieš arkitektuvrras.

Nebelona sárgun boradansále oarjeseainni dáfus. Govva: Gonagaslaš čoakkáldagat

Adolph Tidemanda boanddat

Adolph Tidemand logi gova govvidit norgga boanddabearraša eallima riegádeamis gitta hávdái. Fáttát ledje áibbas heivvolaččat dan áiggi vuoiŋŋa dáfus ja nationálaromanttalaš jurdagii ahte boanda lei guovddáš norgga árvvuid doalli.

Ráidu sisttisdoallá gávccijorba ja guokte njeallječiegat njuohtama mat leat biddjon bajimussii friisii ​​mat lea guovtti guhkimus seinniin, Fricha luonddugovaid bajábealde.

Adolph Tidemand: "Gutten og piken på seteren". Govven: Øivind Möller Bakken, Gonagaslaš čoakkáldagat
Adolph Tidemand: "Frieriet". Govven: Øivind Möller Bakken, Gonagaslaš čoakkáldagat
Adolph Tidemand: "Familielykke". Govven: Øivind Möller Bakken, Gonagaslaš čoakkáldagat
Adolph Tidemand: "Ved det syke barns leie". Govven: Øivind Möller Bakken, Gonagaslaš čoakkáldagat
Adolph Tidemand: "Moren leser for barna". Govven: Øivind Möller Bakken, Gonagaslaš čoakkáldagat
Adolph Tidemand: "Faren lærer sønnen å knytte garn". Govven: Øivind Möller Bakken, Gonagaslaš čoakkáldagat
Adolph Tidemand: "De ensomme gamle". Govven: Øivind Möller Bakken, Gonagaslaš čoakkáldagat
Adolph Tidemand: "Den yngste sønnens avskjed". Govven: Øivind Möller Bakken, Gonagaslaš čoakkáldagat

Čájeha 8 oktiibuot 10

Joachim Fricha luonddugovat

Su guhtta eanadatnjuohtama leat daddjon leat su buvttadeami njunnošis. Sáhttá dadjat ahte dát njuohtamat ovddastit norgga luonddu váibmosa, erenoamážit nu mot orui olgoriikalaččaid mielas ja maiddái norgalaččaid mielas geat orro olgoriikkain.

Lei Gonagas Oscar I dáhttu ahte boradansále galggai čiŋahuvvot govaiguin Norgga luonddus málejuvvon muorrabargguide, seamma ládje go “Šloahtas, olggobealde Truvnnusále lanjaid”, namalassii seamma ládje go Loddelatnja.

Joachim Fricha luonddugovat

Joachim Frich: Norangfjord på Sunnmøre. Govva: Gonagaslaš čoakkáldagat
Joachim Frich: Ravnejuvet. Laurdal i Telemarken. Govva: Gonagaslaš čoakkáldagat
Joachim Frich: Næs i Hallingdal. Govva: Gonagaslaš čoakkáldagat
Joachim Frich: Romsdalshorn ved Monge i Romsdal. Govva: Gonagaslaš čoakkáldagat
Joachim Frich: Lom i Gudbrandsdalen. Govva: Gonagaslaš čoakkáldagat
Joachim Frich: Laugen i Numedal. Govva: Gonagaslaš čoakkáldagat

Vuostáiváldin lei nuo ja ná

Frich guhtta luonddugova ožžo dan áigge veaháš girjás vuostáiváldima, ja go Tidemand njuohtamat čájehuvvojedje oktan Frich govaiguin Christiania Dáiddasearvvis, de ii lean áibbas positiiva vuostáiváldin. Tidemand govvideapmi norgga boanddas oaivvilduvvui leat dego dušše "sotnabeaiboandan” ja unnán realisttalaš. Muhto lea maiddái čujuhuvvon ahte njuohtamat han galge heivet hervvoštallanšloahta boradansálii, ja ahte dakkár oktavuođas lei várra idealiserejuvvon govvideapmi vuogas.