Prinseassa Ingrid Alexandra Skulptuvrrapárka
Sierra oasis Šloahttapárkkas gávdná Prinseassa Ingrid Alexandra Skulptuvrrapárkka – párka gos leat skulptuvrrat ráhkaduvvon mánáin mánáid váste. – Dát leat din váste, daid sáhttá duohtadit, daiguin sáhttá stoahkat ja eai leat dušše čikŋan.
Prinseassa Ingrid Alexandra skulptuvrrapárka ásahuvvui Gonagasbára 25-jagi ávvudeami oktavuođas 2016:s. Duhát mánáidgárdemáná ledje bovdejuvvon rahpamii, ja doppe Šloahttapárkkas sidjiide guossohedje boljáid ja sávtta.Dan rájes leat máŋga mánáidgárdejoavkku galledan dáid skulptuvrraid – giccon kaniinna nalde, riiden riebaniin, geahčadan arvedávggi, čohkkan máđu nalde ja geahčadan albmá mas ii lea ámadadju.
Skulptuvrrat leat boađusin gilvvus mii lágiduvvui 5.-ja 6.luohká ohppiide miehtá riika. Vuoitoárvalusaid buvttadedje profešunealla giehtaduojifitnodagain mánáid sárguma vuođul. Mánát ledje ieža mielde proseassas ja besse oaidnit mot dát buktagat šadde duohtan sárgumis gitta gárvves skulptuvran. Loahpas almmuhedje skulptuvrraid Šloahttapárkkas gos dalá Prinseassa Ingrid Alexandra ja earát Gonagasbearrašis maid oassálaste.
Maŋemus golbma skulptuvrra ceggejuvvojedje geasset 2019, ja dál leat oktiibuot 12 buktaga Prinseassa Ingrid Alexandra Skulptuvrrapárkkas.
Čájeha 8 oktiibuot 31