Gonagaslaš Allavuohta Prinseassa Ingrid Alexandra

Cuoŋománu 17. beaivvi 2004 gásttašuvvui Prinseassa Šloahttakapeallas, lei bisma Gunnar Stålsett gii su gásttašii.

Gonagas Harald guttii Prinseassa Ingrid Alexandra gástii. Dalá Oslo bisma, Gunnar Stålsett, sárdnidii. Govva: Tor Richardsen, NTB

Gonagaslaš Allavuođa Prinseassa Ingrid Alexandra fáddarat leat Majestehta Gonagas, Spanias Majestehta Gonagas Felipe VI, Dánmárkku Gonagaslaš Allavuohta Ruvdnaprinsa Frederik, Ruoŧa Gonagaslaš Allavuohta Ruvdnaprinseassa Victoria, Prinseassa Märtha Louise ja Marit Tjessem.

Buot fáddarat ledje boahtán Prinseassa konfirmašuvdnii Šloahttakapeallas borgemánu 31. beaivvi 2019. 

Konfirmašuvdnaseremoniija jođiheigga preses Helga Haugland Byfuglien ja bisma Kari Veiteberg. Govva: Lise Åserud, NTB

Mánáidgárdi ja skuvlavázzin

Ođđajagimánus 2006 álggii Prinseassa Ingrid Alexandra mánáidgárdái Askeris, ja 2010 čavčča šattai son Jansløkka mánáidskuvlla skuvlanieiddaš.  2014 čavčča rájes 2019 giđđii váccii son Oslo Internašuvnnalaš skuvlla, ja dál lea son oahppin Uranienborg skuvllas Oslos.

Borgemánu 1.beaivvi 2020 álggii Prinseassa Elvebakken joatkkaskuvlii Oslos.

Prinseassa álggii mánáidgárdái Askeris ođđajagimánu 4. beaivvi 2006. Govva: Lise Åserud, NTB

Čuovvu árbevieruid

Gonagas Haakon ja Dronnet Maud álggaheigga jagis 1906 mánáidtoga dearvvaheami Šloahttabalkoŋggas. Prinseassa Ingrid Alexandra lea viđat buolva balkoŋggas ja lei doppe juo iežas vuosttaš miessemánu 17.beaivvi.

Gonagasbearaš láve maid álo leat Holmenkollenis. Dat árbevierru lea leamaš juo 1906 rájes. Maiddái doppe lea Prinseassa leamaš čađat – unnivuođa rájes juo.  Guovtte mánnosažžan lei son vuosttaš geardde Gonagastribunas.

Gonagastribunas 2008. Govven: Heiko Junge / NTB.

Vuosttaš doaibma

Prinseassa Ingrid Alexandra berošta birasgáhttemis, ja biras lei ge fáddán Prinseassa vuosttaš almmolaš doaimmas, earret miessemánu 17.beaivvi ja Holmenkollen sotnabeaivvi. Ovttas Ruvdnaprinseassain dearvvahii son Birasageantaparáda Šloahttašiljus, gos badjel duhát ageantta čalmmustahtte Máilmmi birasbeaivvi 2009:s.    

Prinseassa deaivvadii Birasageanttaiguin – mii lea mánáid birasorganisašuvdna – Šloahttašiljus geassemánus 2009. Govva: Lise Åserud, NTB scanpix

2016:s lágiduvvojedje dálveolympiija gilvvohallamat nuppe geardde historjjás Lillehammeris. Prinseassa Ingrid Alexandra cahkkehii dola rahpanseremoniijas gos ledje 13 000 olbmo. 

Go Norgga ođđaseamos dutkanfanas galggai gásttašuvvot, de oaččui Prinseassa gudnin leat skiipa risteadnin (2018). 

F/F Kronprins Haakon galgá čohkket dieđuid mat šaddet dehálažžan midjiide ipmirdit dan movt dálkkádagaid nuppástuvvamat váikkuhit áhpái ja ábiid eallimii. Govva: Rune Kongsro / Gonagaslaš hoavva

Bearjadaga ođđajagimánu 21. beaivve deavdá Prinseassa Ingrid Alexandra 18 jagi. Prinseassa lea ožžon sierra kántuvrra Šloahtas. Áiggi mielde oažžu Prinseassa Ingrid Alexandra eanet almmolaš doaimmaid Gonagasviesu ovddas, muhto boahttevaš jagiid áigu son vuosttačettiin oahpu vuoruhit.

Prinseassa lea ožžon sierra kántuvrra Šloahtas. Govven: Ida Bjørvik, Gonagaslaš hoavva

Sierra skulptuvrapárka

2016 geasi rahppojuvvui Prinseassa Ingrid Alexandra Skulptuvrapárka Šloahttapárkkas. Doppe leat mánáid skulptuvrrat – maid mánát ieža leat ráhkadan. Juohke jagi gitta 2019 rádjái leat ollu skulptuvrrat lassána dohko, ja Prinseassa lea ieš válljen daid evttohusain maid mánát miehtá riikka leat sádden.

2017. Govven: Lise Åserud, NTB

Dađistaga go Prinseassa rávásnuvvá, oažžu su dađistaga eanet almmolaš doaimmaid Gonagasviesu ovddasteaddjin.

Ruvdnaprinsabearaš surfe Hoddevikas lahka Stad. Govva: Fjordlapse photography

Aktiivvalaš nieida

Prinseassa lea aktiivvalaš nieida gii liiko čuoigat. Son liiko  - seammaládje go Gonagasbearaš muđui - čáhcefalástallamii, ja eandalii surfing lea su miela mielde.