Njuike váldosisdollui

Gonagasa riikaeappel

Riikaeappel lea dološ symbola mii galggai čájehit fyrsta fámu.

Riikaeappel govvida eanajorbadasa. Jorbadas ráđđejeaddji fápmomearkan lea geavahuvvon juo hellenistalaš áiggis. Romalaš keaisárat atne dan iežaset máilmmiráđđejumi symbolan, ja jorbadasa alde lei áinnas vel vuoitoipmil. 400-logu rájes biddjojuvvui vuoitoipmila sadjái ruossamearka. Ruossa govvida Kristusa bajemus hearrávuođa.

Norgga gonagasa riikaeappela lea ráhkadan Adolf Zethelius Stockholmas 1818:s. Dat lea okta dain gonagasdávviriin maid Gonagas Kong Carl Johan osttii iežas ruvdnemii.

Hábmen

Gonagasa riikaeappel lea ráhkaduvvon gellehuvvon silbbas. Jorbba birra lea ruvssuiguin hervejuvvon gollebáddi mii juohká jorbba bajit ja vuolit oassái. Bajit oasis lea sullasaš báddi. Riikaeappela bajemusas lea fas unna riikaeappelaš man alde lea siselerejuvvon latiinnalaš ruossa.

Allodat: 14 cm
Diamettar: 10 cm
Deaddu: 384 g

 

 

29.08.2017

Juogat dán artihkkala Twitteris ja Facebookas:

Juogat dán artihkkala Twitteris Juogat dán artihkkala Facebookas