Árbefyrstaruvdna

Árbefyrstaruvdna (truvdnoárbbolačča ruvdna) lea áidna Riikaregáliain mii lea ráhkaduvvon Norggas. Dat ráhkaduvvui 1846:s, ja lei jurddašuvvon Ruvdnaprinsii Carlii (maŋŋil Gonagas Carl IV) dan oktavuođas go ledje ráhkkaneamen ruvdnet su váhnemiid, Gonagas Oscar I ja Dronnet Josefine. Gonagas Carl Johan ruvdnemii ledje luoikan ruoŧa ruvdnaprinssa árbefyrstaruvnna. Dál galggai Norga oažžut iežas árbefyrstaruvnna.

Ruvnna ráhkadii gollečeahppi Herman Colbjørnsen Øyset Christianias (Oslos), muhto dan lea tevdnen Johannes Flintoe, gii maiddái lea ráhkadan oasi čiŋahemiin mat ledje Gonagaslaš šloahtas dalle go dat lei huksejuvvomen.

Muhto eai šaddan goassege Norggas ruvdnet Gonagas Oscar I ja Dronnet Josefine. Danin ii leat ge árbefyrstaruvdna goassege leamaš anus.

Hábmen

Ruvdna lea rabas ja das leat gávcci sárggi mat leat čiŋahuvvon edelgeđggiiguin ja bearraliiguin. Juohke sárggis lea stuora norgga bearal olggumusas. Gollebargu ruvnnas, sárggit ja sárggiid gaskka hervemat leat lieđit ja lasttat deaddeluvvon gollis. Geađgi mii lea gasku, lea faseahttašliipejuvvon ametyst.

Vuođđu lea purpurivnnát fløyel masa lea hervejuvvon gellehuvvon silbaárppuin.

Materiálat

Ruvdna lea ráhkaduvvon máŋggaivnnát gollis, ja dasa leat biddjojuvvon bearralat, edelgeađggit ja šliipejuvvon láse. Bearralat leat norgga sáivačáhcebearralat. Edelgeađggit leat ametysttat, peridoterat og citrinerat.

Allodat: 15 cm
Diamettar: 18 cm