Nuorat Norggas

Ruvdnaprinsabára foanda doarju Ruvdnaprinssa  ja  Ruvdnaprinseassa  prošeavttaid mat gusket nuoraide geat leat gahččamin olggobeallái.

Ruvdnaprinsabára Foanda

Dalle go Ruvdnaprinsabárra náitalii 2001:s, hálideigga soai oažžut skeaŋkan juoidá mii boahtá earáde buorrin. Ráđđehus attii skeaŋkan ruhtasubmi mii galggai lea 1 ruvdno juohke norgga ássi nammii, ja dat galggai leat Ruvdnaprinsabára Foandda vuođđokapitála.

Foanda lea dál vuođđudus mii bargá nannet nuoraid vejolašvuođaid, vai nuorat eai gahčat olggobeallái. Ruvdnaprinsabárra  lea foanddastivrras  mielde, ja soai searvaba áŋgirit ovttasbargoprošeavttaide –workshops doaimmaid bokte, ja go searvaba iešguđetlágan doaimmaide maid ieža lágideaba.

Viisáid beaivi

Ruvdnaprinsabárra lea ollu jagiid juo bovden 60-80 nuorra jođiheaddji iežaska guossái Skaugumii olles beaivvi čoagganeapmái ságastallat árvovuđđosaš jođiheami birra. Guovddážis leat leamaš dakkár gažaldagat go «Makkár jođiheaddji hálidat don leat»? ja «Movt áiggut don návccaidat geavahit buoremussan servodahkii?» – ja buohkat leat beassan áŋgirit searvat workshop doaimmaide Ruvdnaprinsabárain ja olggobealde ráđđeaddiiguin.

Viisáid beaivvi 2016 oasseváldit olggobealde Skaugum. Govva: Christian Lagaard, Gonagaslaš hoavva

Oasseváldit ovddastit oalle viidát norgga servodaga – ealáhusaid rájes organisašuvnnaide, akademiija, politihka ja dáiddasuorggi.

Fáddámállásat

Ruvdnaprinsabárra jáhkká ahte olbmot nákcejit oaidnit ođđa vejolašvuođaid ja gávdnat ođđa ovttasbargiid go beare fal ásahuvvojit buorit deaivvadanbáikkit. Danin leaba soai juo ollu jagiid lágidan ja bovden lunššaide ja mállásiidda iežaska ruovttus Skaugumis , gos  iešguđetlágan áigeguovdilis fáttáin leamaš sáhka – doppe leat guossit beassan gullat ja muitalit iežaset vásáhusaid ja čatnat ođđa oktavuođaid. Muhtun fáddáčoagganeamit maidda Ruvdnaprinsabárra lea bovden, leat ovdamearkkadihte leamaš dan birra movt jođihit musihka, norgga design, goansta jierbmi, ábi nuoskkideapmi ja nuorra gründarat.