Njuike sisdollui

Johan Martin Ferner lea jápmán

Johan Martin Ferner oađđái jaskadit agálašvuhtii Rikshospitálas Oslos, odne ođđajagimánu 24. beaivvi 2015.

Ođđajagimánu 24. beaivi 2015

Johan Martin Ferner


Oassádallandearvuođat Gonagas Majestehtas:

"Stuora morrašiin leat mii vuostáiváldán dan morašlaš sága ahte Johan Martin Ferner lea oađđán agálašvuhtii. Min jurdagat leat Prinseassa Astrid luhtte, guhte lea massán iežas beallelačča, ja su lagamuččaid luhtte, guđet lea massán áhči, vuohpa ja áddjá".

Johan Martin Ferner

Johan Martin Ferner riegádii suoidnemánu 22. beaivvi 1927. Son válddii oahpu gávpesuorggis Norggas, Englánddas ja Frankriikkas, ja gaccai oahpu dáin báikkiin: London Polytechnic Institute, Bradford Technical College ja Lyon Universitehtas. Son ovddidii ja jođihii bearašfitnodaga Ferner Jacobsen ovttas vieljainis.

Ferner šattai áiggi mielde beakkán borjjasteaddji, ja son lei okta dan borjjasveagas mii válddii silbba 6-mehterluohkás OL - gilvvuin Helssegis 1952:s.


Prinseassa Astrid ja Johan Martin Ferner náitaleigga Askes girkus ođđajagimánu 12. beaivvi 1961. Soai oaččuiga vihtta máná.

Johan Martin Ferner

Heajat 1961

Skábmamánus 1960 dovddusindahkkojuvvui Prinseassa Astrid ja disponeanta Johan Martin Ferner lohpádallan. Govva: Jan Stage NTB vuorká / NTB Scanpix
Prinseassa Astrid govvejuvvon lohpádallama oktavuođas. Govva: Jan Stage / NTB vuorká
Prinseassa Astrid ja Gonagas Olav. Govva: NTB
Vihaheamis. Govva: NTB
Prinseassa Astrid náitala Johan Martin Ferneriin ođđajagimánu 12. beaivvi 1961. Govva: NTB
Náittosbárra iežaska lohpádalliiguin Elisabeth Bahre ja Finn Christian Ferner. Govva: NTB
Brudeparet sammen med brudepikene Ingeborg Lorentzen, Inger Charlotte og Ellen Ragnhild Ferner og brudesvenn Haakon Lorentzen. Foto: NTB
Suoidnemánu 22. beaivvi 1962 riegádii sudno vuosttaš mánná, Cathrine. Bárra oaččui áiggi mielde vihtta máná ovttas. Govva : NTB / Scanpix