Prinseassa Astrid biografiija
Prinseassa Astrid riegádii guovvamánu 12.beaivve 1932. Son lei Gonagas Olav V ja Ruvdnaprinseassa Märtha nieida, ja Gonagas Harald V oabbá.
Go Prinseassa Astrid riegádii, ledje Skauguma divodeame maŋŋel buollima 1930:s, nu ahte Prinseassa riegádii Solbakken-báikkis, Skøyenis Oslos. Liige stáhtaráđđečoahkkimis almmuhii Gonagas Haakon VII ahte uhca prinseassaža namma galggai leat Astrid Maud Ingeborg. Son lea muoŧá Dronnet Astrid gáibmi, ja maiddáiáhkuid gáibmi, Dronnet ja Prinseassa Ingeborg.
Prinseassa Astridis ii lean truvdnui árbenriekti.
Bajásšaddan
Jagis 1934 beasai Ruvdnaprinsabearaš fas fárret Skaugumii, ja doppe bajásšattai Prinseassa Astrid ráfálaš boaittobealbirrasis iežas boarráset oappáin, Prinseassa Ragnhildain ja Prinsa Haraldiin.
Prinseassa Astrid lei ovccijahkásaš go Duiska bođii vuollástit Norgga cuoŋománu 9. beaivve 1940.
Gonagasbearaš ja ráđđehus báhtarii davás togain vai okkuperejeaddji soahteveahka ii beassan sin váldit sin giddagassii. Seamma ija Ruvdnaprinseassa Märtha oktan mánáiguin rasttildii ráji Ruŧŧii, ja borgemánu 12. beaivvi mátkkoštedje sii viidáseappot USA:i gosa presideanta Franklin D. Roosevelta lei sin bovden boahtit.
Čuovvovaš vihtta jagi orui Prinseassa Astrid etniin ja oarbiniiguin Pook's Hillas olggobeale Washington D.C. Ruvdnaprinseassa Märtha barggai váibbakeahttá Norgga beroštumiid ovdii, ja mánát veahkehedje nu mot nagodedje.
Pook’s Hillas
Geassemánu 7. beaivvi 1945 beasai bearaš viimmat máhccat Norgii. Máŋga duhát olbmo ledje vuordime Honnørbryggas Oslos sávvat sidjiide buresboahtima ruoktot.
Prinseassa Astrid oahppu
Oahppu
Prinseassa Astrid álggii oahpuin ruovttus Skaugumis, muhto jotkkii Nissen Nieiddaskuvllas go bođii fas Norgii maŋŋel soađi. Son loahpahii artiuma jagis 1950 ja de logai sosiálaekonomiija ja politihkalaš historjjá Oxfordas guokte jagi.
Maŋŋel oahpai Prinseassa Astrid maiddái čuvlagoarruma Märthaskuvllas ja borramušráhkadeami Lolly Ræstada ruovttudoalloskuvllas.
Son čuovvolii maiddái iežas beroštumiid dáidda- ja duodjesuorggis jalei oahpahallin Halvor Sandø bálseduodjebájis Røas.
Vuosttašroavvá
Go Ruvdnaprinseassa Märtha jámii 1954:s, de šattai Prinseassa Astrid Norgga vuosttašroavván, dušše 22 jagi boarisin. Sus lei dát rolla dassážii go Ruvdnaprinseassa Sonja válddii dán badjelasas 1968:sPrinseassa Astrid oaččui maiddái ovddasvástádussan jođihit Ruvdnaprinseassa Märtha Muitofoandda, ja dát ámmát lei guovddážis su doaimmain gitta lohppii.
Prinseassa Astrid jotkkii Gonagasviesu ovddastit gitta dassážii go jámi čakčamánu 11. beaivve 2026.
Boarráset portreahtagovat Prinseassa Astridis
Čájeha 8 oktiibuot 13
Bearaš
Jagis 1961 náitalii Prinseassa Astrid Johan Martin Ferneriin Asker girkus. Prinseassa válljen lei ožžon vuostehágu go Ferner lei earránan, muhto Prinseassa Astrid ii vuollánan, ja loahpas Gonagas Olav mieđihii ahte oažžuba náitalit. Gonagas Olav mearridii ahte náitaleami maŋŋel galggai su nieida gohčoduvvot Prinseassa Astrid, Ferner roavvá.
Soai oaččuiga vihtta máná. Cathrine Ferner Johansen (1962), Benedikte Ferner (1963), Alexander Ferner (1965), Elisabeth Ferner (1969) ja Carl-Christian Ferner (1972).
Johan Martin Ferner jámii ođđajagimánu 24. beaivve 2015:s.
Heajat 1961
Stuora valáštallanberoštupmi
Prinseassa Astridis lei hirbmat stuora beroštupmi valáštallamii, ja oassálasttii áŋgirit geahččin sihke virggálaččat ja priváhta olmmožin. Son lei oskkáldas guossi Holmenkollenis ja čeavlás Holmenkollen-medálja eaiggát.
Go devddii 80-jagi 2012:s, de son dan oktavuođas oaččui Čuoigansearvvi Birkebeinerplakeahta go nu viššalit lei dorjon sabetvaláštallama.
Prinseassa Astrid oinnii hárve beatnaga, Wilma, haga. Beatnagat čuvvo Prinseassa olles eallima- vuosttaža oaččui váhnemiin go devddii 2 jagi. Prinseassa Astrid vieččai Wilma guovddážis mii gávdná elliide ođđa ruovttuid. Seamma dagai son ovddit beatnagiin, Tarzan.
-Jus beatnagis ii leat buorre dilli doppe gos orru, de lea vuogas beassat addit sutnje buori eallima, logai Prinseassa Astrid jearahallamis NRK:in iežas 93-jagi oktavuođas.
Maŋemus vuoiŋŋastansadji
Prinseassa Astrid jámii čakčamánu 11.beaivve 2026, dušše guokte beaivve maŋŋel su vielja, Gonagas Haralda, hávdádeami. Son lea hávdáduvvon Ris girkus čakčamánu 23. beaivve.
